荳子 (屯門市廣場1期)

营业中

休息中

最近好enjoy 自己一个周围行下食下嘢 呢日系屯门有嘢做，所以提早去左Beans 食早餐。10点左右嚟到已经有人排紧队，等左两张枱左右就到我了。记得上次食果个薄切西冷牛扒几好食就照叫左呢个餐，包就要左酸种面包。个人觉得斋食好好食！ 饮品方面我今次系叫到咖啡，因为前一晚瞓得唔好饮左咖啡会头痛。所以要左冻柠蜜，仲平啲添只需加$3 😬个牛扒我觉得呢个价钱嚟讲算不错，系某啲位会有啲筋要咬耐啲，但味道不错，我口味偏淡就觉得点少少汁已经好够。 个酸种面包都同上次食一样咁好食，慢慢咬下会有啲香味出嚟同埋够饱肚。而个柠蜜普通啲，感觉偏甜。最后食完见无咩人等又有90分钟用膳时间坐多左阵先走。