吉野家 (已結業)

六月十五日(日)今日又黎吉野家食Lunch，因为寻日换唔到银包心有不甘，今日一定要得到佢！寻日食得太多饭，所以只叫左个牛肉煎鸡双拼饭、乌贼饼同鲭鱼～　双拼饭同乌贼饼寻日讲左，只讲今日新试鲭鱼～鲭鱼(+$10)鲭鱼其实都推出左唔小日子，但始终唔大有好感，因为之前见过烟三文鱼系系个胶袋度唧出黎加热，感觉唔太好～　因为见到网上有网友话唔错所以一试～　其实系日式食店不时都会点鲭鱼，都几钟意鲭鱼味道，估唔到吉野家尼旧都几好食，旧鱼鱼骨起得非常干净，唔使惊食到骨，虽然无豉油但亦唔会唔够味，仲觉得D鱼肉都几滑，食落亦无食罐头感觉，不错～$10一件好食鲭鱼真系唔错，以后又多一个选择～食够$50终于换到银包，有得食仲有野送真系抵抵抵～