Rimi Cafe (已結業)

最近大家心情都好郁闷，朋友之间最好都不要谈政治，连庆祝生日饭都取消了，改为旺角轻松食饭倾计，西餐cafe 又有电视睇新闻。Rimi Cafe 位置登打士街，方便之余又唔会受到封路影响。一入门口已经见到 board game, 布置简约舒服，食得精明就要透过OpenRice Book 位了，有95折！楼上Cafe来讲Menu都算够晒食物款式多。《珍珠奶茶》天气热辣辣，一坐低叫杯透心凉嘅消暑饮品，清新的茶味好解渴，珍珠好弹啊！《餐汤&蟹柳沙律》开胃之选，真系越食就想食。《鸡翼拼盘配蜜糖芥末酱》鸡翼控不能错过，一大盘鸡翼所上枱感觉好震撼呢！鸡翼、鸡锤、炸薯条、鸡翼调味恰到好处，皮脆肉嫩又多汁，最紧要就系热辣辣咁食！戴上手套用手食份外滋味！《芝士焗香槟芥末汁牛肉饭》热辣辣嘅焗饭，面层铺满浓郁的芝士，食起来有拉丝的感觉。香槟芥末汁够惹味，牛肉软滑。《椒盐烧卖》蒸嘅烧卖就食得多啦！椒盐就唔系周围食到，坐喺度叹住冷气都有扫街嘅风味，真系唔错！总括而言年青人的空间充满活力，食物质素又高，下次喺旺角想揾个地方静静地倾吓计，呢度都系一个唔错嘅选择。