Oak Tree Ristorante (已結業)

家人早前曾到此享用下午茶餐后大赞，今晚决定看看晚餐水准系咪一样咁好。我地当日book位，所以唔使等位。 餐厅座落酒店一楼，要行楼梯上。 入口左边有个长型露台，如果唔系有人食烟都想出去睇下。 我地被安排坐系近窗既角落，自成一角，唔错。 餐厅灯光柔和，座椅是籐椅，当晚仲有人live弹结他唱怀旧英文金曲，同女朋友来都咪话唔冧。  多数waitress 都系菲律宾人，大厨/老板，系外国人(意大利人？)，佢会负责即场做芝士轮Carbonara ，唔知系咪做到好攰，个个面无表情。 食物质素算唔错，只系有D唔系好够热，如汤、牛柳。 猪手好食，皮脆肉唔太干。 鹅肝都好香，薄薄既parma ham 咸香好食，但每样appetizer都系配沙律菜，有d闷。 伴碟既薯蓉都好好食，里面有薯仔粒粒，有咬口。 到跟餐甜品，有三项选择：朱古力心太软chocolate volcano、意式芝士饼tiramisu、 纽约芝士饼 new york cheese cake。 我地选左前二，朱古力心太软配云呢嗱雪糕，一向都系天作之合。 Tiramisu 又香又软熟，食落唔heavy。 当晚生日歌声此起彼落，好多人选择生日嚟呢