Outback Steakhouse (尖沙咀中心) (已結業)

今晚约咗个朋友嚟呢度食嘢，嚟得呢度，都系食扒啦。去到里面都几full，好在有订位，等咗阵就入到座。趁朋友未到叫咗个芝士薯条先，呢样系我最钟意嘅小食，炸到好脆嘅薯条上面铺上脆烟肉粒同半熔芝士，非常邪恶但好味。呢间就唔系做得最出色嘅，薯条够脆但芝士唔多够。如上文所言。嚟得都系食扒，我就叫咗个Medium嘅慢烧安格斯肉眼扒，但上菜时真系红得好紧要，成块生肉咁问咗Waiter，佢就话本身原味烧嘅会系咁，但可以帮我煎一煎个表面。讲真我就已食咗一小块，感觉唔算生，但真系唔太习惯，都系叫咗佢帮忙再整一整。整完后嘅就变返真正Medium cook嘅，几好食，翻整过都唔会韧，肉质仲系嫩，肉味够。我块扒就配晒面包、餐汤、配菜，佢嘅黑糖面包系名物，呢次水准依旧出色，外脆内软，带少少甜味，涂上牛油后真系大满足，赞！餐汤系忌廉粟米汤，真系好甜，不过唔会似糖水，系忌廉口感唔够细滑浓郁，似饮紧普通粟米汤，但都唔错。朋友叫咗个烤猪肋骨，肉嫩味浓，虽然带嘅肥肉较多，但正因此突出咗口感，果然系另一名物，又系赞！我系一个点都要叫杯嘢饮嘅人，又唔想饮Cocktail就叫咗会Cherry Limeade，甜甜哋嘅Soda，不过