韓食家純豆腐麵店 (已結業)

陪我女人行完街，早小小食个下午茶，因为好迟先食早餐，坦白讲，我系唔饿，只想揾个位坐低抖一抖。都话唔知点解女人咁钟意食韩国野啦，事关今日佢又提议食韩国野。成来两点，黎到都冇咩人，见冇人招呼我地就自行揾位坐。女人叫左个海鲜辣豆腐汤，我就海鲜辣豆腐汤加左生蚝(52+5)，冇饭冇汽水的，因为真系唔饿。我𠮶个上黎先，海鲜一如预期系雪藏野，虽然预左，57蚊想有新鲜海鲜想下好喇，不过雪藏野都可唔可以大粒dd 呀？只有两只系中size 既雪虾，其余都系发育唔健全既迷你size. 冇鲜味就一定架喇，反而加𠮶五蚊既两只生蚝就唔错，起码系对味，唔算好鲜，但有蚝味。豆腐似系盒装的百福豆腐既味，食唔系好到豆味，正路野不过好滑溜，个汤仲有d菌类，不过份量唔多。每个汤都有一只蛋，因为个汤好热，食到最尾就可以烚到个蛋有流心既感觉，正！最后想讲个汤，应该落左好重味精，食既时候唔系好觉，不过食完冇耐就feel到好想饮水，喉咙好"确"。如果以CP值黎计，整体其实就一般。