韓食家純豆腐麵店 (已結業)

見客後，再meeting， 一整天後的第一餐泡菜勁酸只有酸味所謂的海藻牛肉湯， 完全唔熱可以話係凍， 牛肉只有數粒大個芝麻咁囉， 勁un又冇味， 搭單嘢係咁上下啦海鮮豆腐辣湯， 海鮮十足， 不過都係雪藏貨， 可能個湯夠濃味， 雪藏味亦不是十分突出，亦無海鮮味，其中一隻硯仲有沙Tim豆腐做得十分出色，勁似盒裝豆腐，滑滑感十足， 湯頭濃味得吃不出有豆味，不過個人認為幾十蚊食過豆腐湯飯， 個湯就做得麻麻十分味精，吃後要飲好多水， 如果味精湯加豆腐， 係屋企買包即食味精湯包再加豆腐，好似都差唔多， 而家啲盒裝豆腐都做得好滑滑

食左個純豆腐鍋，滾熱鮮紅既泡菜湯望落非常吸引。 辣度一般，唔會過辣，但係熱辣辣甘食幾爽，泡菜都算爽脆，豆腐唔算好高質，但基本上都算滑溜總結黎講，一般正路野，不特別推介。

午餐食左個精選湯麵配韓風飯，貪多野揀可以試下質素.湯麵完全係公仔麵味，湯同麵都係，感覺上係出黎食飯比錢買公仔麵食，感覺極差.因為係雙拼，牛肉飯份量都唔大，啲牛肉ok 既，相對黎講個飯既質量唔錯.但由於個麵已經扣哂分，我決定比負評.

行到MIKIKI 搵下有咩野食 見一田個層間間都唔係好特出 咁就簡左呢間其實所有野都好普通個炸雞叫做有小小驚驚 但其實又唔係話好食到會再想食食咁耐 就有隻野係到飛黎飛去咁耐 唯一覺得 呢間野價錢係平既！無要求既可以當去食個快餐

放假去mikiki行街~見到呢間店坐無虛席~仲有人等緊位…應該好食？就諗住試下啦~餐廳主打韓式食品~食物係一份份咁上嘅~叫左2個餐都有一小碟泡菜~泡菜味道無咩特別…另外跟餐送指定嘅飲品~試左蘆薈茶~豆腐湯吾算太辣~材料有豆腐，蝦，蜆，魷魚，蔬菜，金菇~不過入面得好少海鮮…拌飯嘅份量都幾多~材料有牛肉，粉絲，青菜，芽菜~味道都ok嘅~牛肉口感有d鞋~

陪我女人行完街，早小小食個下午茶，因為好遲先食早餐，坦白講，我係唔餓，只想搵個位坐低抖一抖。都話唔知點解女人咁鐘意食韓國野啦，事關今日佢又提議食韓國野。成來兩點，黎到都冇咩人，見冇人招呼我地就自行搵位坐。女人叫左個海鮮辣豆腐湯，我就海鮮辣豆腐湯加左生蠔(52+5)，冇飯冇汽水的，因為真係唔餓。我嗰個上黎先，海鮮一如預期係雪藏野，雖然預左，57蚊想有新鮮海鮮想下好喇，不過雪藏野都可唔可以大粒dd 呀？只有兩隻係中size 既雪蝦，其餘都係發育唔健全既迷你size. 冇鮮味就一定架喇，反而加嗰五蚊既兩隻生蠔就唔錯，起碼係對味，唔算好鮮，但有蠔味。豆腐似係盒裝的百福豆腐既味，食唔係好到豆味，正路野不過好滑溜，個湯仲有d菌類，不過份量唔多。每個湯都有一隻蛋，因為個湯好熱，食到最尾就可以烚到個蛋有流心既感覺，正！最後想講個湯，應該落左好重味精，食既時候唔係好覺，不過食完冇耐就feel到好想飲水，喉嚨好"確"。如果以CP值黎計，整體其實就一般。

因為要去一田買野, 我又好鍾意食韓國豆腐湯所以同老公去左呢間餐廳, 晚飯時間唔多人, 唔洗等位. 我點豆腐湯SET, 我老公叫石頭鍋SET. 我的豆腐湯SET可以將個白飯轉韓式壽司, 我問其中一個男侍應韓式壽司有幾多件? 佢答我5件. 咁我就加錢轉左要韓式壽司. 到壽司上檯我見只有4件, 就問番頭先個個男侍應, 佢望一望, 講左句唔好意思就拎番碟壽司入廚房.過左一陣, 有人放低左下面呢一碟野比我就行開左.我望住碟野再望一望我老公, 我話我冇眼花呀? 佢同我將本身其中一件壽司再一開二變成5件. 唔通佢以為我係白癡? 咁都睇唔出?我同我老公講我接受唔到.....我老公叫左一個侍應黎同佢講"你地黎少左一件壽司, 我太太同你講完之後你地入去將件壽司再一開二變多一件呢個行為我接受唔到"係呢個時候係我後面"汁"緊後面張檯的女侍應同我講  "廚房冇曬牛肉, 你要唔要轉雞肉呀咁"我望住佢同佢講 "咁點解你第一次放低個時唔講, 變完魔術第二次放低個時仲唔講, 要我發現接受唔到我問你地你地先講" 佢冇出聲幾秒之後再講 "咁你轉唔轉雞肉呀?" 一邊伸手想拎番碟壽司我先生同佢講 "呢碟你放低, 你補番一件比我

今次想試下便當類的set lunch,所以試下~泡菜豬肉便當 $46雖然知道呢份便當會有少少辣,但我又估唔到原來係將泡菜與豬肉融為一體,個味濃了一點…….所以食落口真係有d辣..雖然我都怕食辣…但幸好又頂得順…無刺痛喉嚨的那種痛…以為無事…….但事後都係敗給辛辣的泡菜 呢份便當的泡菜豬肉份量很多!!!9成係瘦肉便當的炒粉絲唔算很QQ,個調味不錯,又唔會oily! 白飯份量很多~我今次之所以想試下呢款泡菜豬肉,係因為無BBQ豬肉便當…如果下次叫BBQ雞/牛肉便當,相信唔會食到咁辣架喇…因為辣的關係,我order的飲品 熱 ,差唔多俾我飲晒

同朋友午餐聚聚，是是但但走入去韓食家一走入去完全冇STAFF 服務STAFF們"各自為政"，玩手機同吹水感覺極到唔好食物水準同樣地一般友人同我點了一個豆腐雜菌鍋同一個泡菜豬肉鍋友人的雜菌鍋的菇裝得滿滿，但我的豬肉鍋只有豬肉三小片$54的午餐，在區內已經算貴只提供豬肉三小片會唔會過份左少少啊!味道方面更係一般般飯唔夠熟，食落口硬硬的泡菜唔夠泡菜味，只有丁點辣味，湯紅而不辣辣油的色素佈滿嘴巴，抹嘴時足足花了兩大張紙巾!新蒲崗韓食家，完全不推介

一田大減價，掃完貨，好肚餓。 見到韓食家，唔駛等位，便衝左入去。班侍應真係好hea,有企係度發呆，有顧住互相傾偈，無service可言，水都唔俾柸，亦無人嚟問你食乜。炸生蠔麵豉湯薯粉絲餐—炸生蠔好濃油味，好細粒蠔，麵豉湯好淡味純豆腐海鮮辣湯定食—材料豐富，豆腐好滑,辣辣地，餸飯好啱泡菜豬腩肉豬骨濃湯麵餐—豬腩肉好味，份量足好彩D嘢食都算OK,鬆囗氣

★☆★☆★☆★☆★☆★☆★☆★☆★☆★☆★☆★Had the afternoon tea set here and you can choose from instant noodles, thin noodles, Korean sliced rice cakes and potato noodles with a choice of broth and topping.★☆★☆★☆★☆★☆★☆★☆★☆★☆★☆★☆★Rice cake in Miso soup with tofuI chose the miso soup base with korean sliced rice cakes with tofu because they seem to be famous for the tofu.The miso broth was lovely and strong.The sliced rice cakes were nice and chewy but did not really absorb the broth, and the tofu was not as nice a

這日在新蒲崗Mikiki商場的超市旁看到這間韓國菜食店韓食家。原來韓食家是梨花園集團旗下的另一連鎖品牌，有多間分店，走的主要是輕鬆年輕的路線。店內光猛整潔，亦未坐滿，便進去吃個午餐。這裡的午市套餐有3大類食物，便當、石頭飯和湯餐，每類各有5款選擇。價錢由$45至$50，包汽水或湯，價錢很大眾化。愛吃石頭飯的我就要一客石頭牛肉飯，飲品選了湯，$48。牛肉飯和湯不一會就送到。石頭飯的配料除了牛肉外，還有菜，蘿蔔絲和泡菜等，還有一隻煎蛋，賣相不錯。不過各配料的味道都頗'港式'，如果不是這個石頭飯碗，我真的不會把這餐與韓國菜有何關連。而我喜歡的飯焦亦不見了蹤影，有點失望。至於餐湯是紫菜湯，味道偏淡，很一般。總括來說，雖然食物出品十分一般，但以這定價和店內環境，如果要吃一頓簡餐又不想到連鎖快餐店的話，亦可考慮到此一吃。

今晚行到個新商場mikiki,於是諗住邊度有新野食,點知行下行下見到呢間幾光鮮既韓國餐廳,點知一試就出事...服務態度一般般, D人行行企企,唔主動加水, 唔主動落單,成班圍住傾計, 不過唔緊要...叫完野食, 叫左個所謂二人餐,有個小食餃子, 石頭飯, 泡菜湯, 炒粉絲等...個餃子係普通到不能再普通既炸雪藏餃子…炒粉絲就較為油膩, 泡菜湯有少少味精粉開水感覺！不過石頭飯熱辣辣都幾好！不過不失！至於份量都唔算太多, 食完都唔太飽!!整體D食物質素真係一般般到呢...不過有樣好, 就唔駛排隊囉...如果真心想食韓國菜就搵第二間好過!!

連飲品只需$22,所以決定試吓!!點了泡菜湯底配韓式年糕及午餐肉再加香腸!! 泡菜湯底好夠味道,如果有埋小碟泡菜就更好!! 年糕雖是超市貨式,但也煮得剛剛好!! 湯底超多菜!! 又一讚!! 腸仔和餐肉都是預先煎過,味道也不錯!! 下次也會試迷你石頭飯和韓式紫菜卷!! 不過有樣嘢好得意!! 配料選擇有$22, $24, $25 另加配料每款$1, 若點$22 套餐加一樣 在$25套餐內的配料, 總數只要$28!! （例如：午餐肉年糕加牛肉只需$28),　但調轉在$25 套餐加一樣在$22套餐配料，便要$31 (例如：牛肉年糕加午餐肉便要$31), 貴了 $3 呀!!

今晚黎行下呢個新開商場, 順便黎搵食。呢個商場d 野食唔吸引, 唔多選擇,夜晚商場都唔多人, 間間舖頭都唔洗等位食飯。最後決定揀左食韓國野, 叫左個2人餐$1082人餐包左前菜3樣: 泡菜, 芽菜, 波菜, 個樣唔吸引, 泡菜唔辣, 又小。辣豆腐煱, 上台仲滾緊, 夠晒熱la la, 辣辣地, 豆腐滑, 有小小硯肉, 送飯一流。爆醬牛肉飯, 上台都仲係吱吱聲, 個飯size都算大, 肥牛夠滑,有飯焦, 配上醬汁同撈, 好味。煎餃子4隻, 超細隻, 煎得好油, 食落味道ok! 飲品, 熱柚子, 唔明點解用紙杯裝囉, 好唔環保囉。除左飲品用紙杯外, 佢地都係用膠兜裝醬汁, 唔通新開張唔夠杯碟?加埋一食左$130.唔值。