The Salted Pig (已結業)

早几日返工劲忙全天候开会，食完个早餐之后全日冇食过嘢，放工嘅时候我肚饿到癫咗，原本约咗人系诺士佛台度饮嘢，见到呢间餐厅有得饮又有得食，即刻转场去呢度又食又饮仲好。送酒梗系要食前菜啦，pama ham我最爱，仲有烟三文鱼同埋其他烟肉，配埋白酒一齐食，味道好香，好钟意烟肉在我口腔入边嘅味道，令人非常回味。另外叫咗呢个菠菜酥皮批，新鲜焗起外面好香脆，入面馅料好多，配埋独有酱汁，非常好味，好正！除咗饮白酒我哋仲饮埋啤酒，饮酒特别想食煎炸野，所以叫咗碟fish and chips，炸鱼两旧非常大狗，新鲜炸起外脆内软，最钟意佢炸鱼入面都好有味道，而且 鱼肉唔会好松散，仲有一大堆厚切薯条，送酒一流。最后来个德国猪手，非常大盘，上枱𠮶阵时真系有啲俾佢吓亲，真系非常大只而且好好肉，肉质咸咸地配啤酒真系绝配，猪手表皮充满骨胶原，点埋酱汁特别好味，除咗大大只猪手我非常欣赏佢下面嘅酸菜，食猪手其实都几溜，所以猪手配少少酸菜一齐食，可以中和溜的感觉，食多几旧都唔怕。今餐真系非常丰富，两个人竟然可以食咁多野，坐足四个钟开心又relax。