影片
更多
2021-05-21
93 浏览
鸡煲瘾起，自然谂起八妹，就即刻订位同朋友嚟食。新装修除咗型格，啲位仲阔落咗好多。今次我哋两个人嚟食，拣咗半只鸡，微辣，个鸡煲大约15分钟上台，可以先叫煲后点配料。眼阔肚窄，被口馋支配，叫咗好多配料同小食。讲讲啲小食，推荐虎椒皮蛋，辣辣地好醒胃，溏心状态嘅口感非常软滑原本以为海鲜芝士豆腐同墨鱼腐皮卷系打边炉嘅配料，但原来系即叫即炸嘅小食海鲜芝士豆腐唔错，热辣辣芝士喺口入面咇出嚟；墨鱼腐皮卷弹牙得嚟又黏口，好食。椒盐墨鱼咀嘅椒盐味唔算好重，墨鱼咀好爽口，炸得几靓。主角出场～～～个鸡煲一上台就食得～闻到阵香味都流晒口水入口又香又麻又辣，惹味到不得了，完全系我挂住嘅味道！微辣对我哋嚟讲岩岩好，个酱系辣中带麻，啲鸡又够滑，我哋都一啖接一啖咁食唔停口！啲鸡食到七七八八，我哋先舍得加汤打边炉必点手切肥牛，睇个样都知靓，油花分布均匀，牛味浓郁！叫咗细份，但份量都唔少，两个人食都好够。另外好推荐手打滑，我哋叫咗鸳鸯滑（蟹子墨鱼滑＋蟹子虾滑），打得好弹牙。最后推荐埋呢杯冻柠柑桔，大大杯好抵饮；饮落好似有啲陈皮味同梅香咁，味道好丰富，食啖辣鸡配啖冻柠柑桔真系超爽！！
新装修除咗型格，啲位仲阔落咗好多。今次我哋两个人嚟食，拣咗半只鸡，微辣，个鸡煲大约15分钟上台，可以先叫煲后点配料。
眼阔肚窄，被口馋支配，叫咗好多配料同小食。
讲讲啲小食，推荐虎椒皮蛋，辣辣地好醒胃，溏心状态嘅口感非常软滑
原本以为海鲜芝士豆腐同墨鱼腐皮卷系打边炉嘅配料，但原来系即叫即炸嘅小食海鲜芝士豆腐唔错，热辣辣芝士喺口入面咇出嚟；墨鱼腐皮卷弹牙得嚟又黏口，好食。
椒盐墨鱼咀嘅椒盐味唔算好重，墨鱼咀好爽口，炸得几靓。
主角出场～～～个鸡煲一上台就食得～闻到阵香味都流晒口水入口又香又麻又辣，惹味到不得了，完全系我挂住嘅味道！微辣对我哋嚟讲岩岩好，个酱系辣中带麻，啲鸡又够滑，我哋都一啖接一啖咁食唔停口！
啲鸡食到七七八八，我哋先舍得加汤打边炉必点手切肥牛，睇个样都知靓，油花分布均匀，牛味浓郁！叫咗细份，但份量都唔少，两个人食都好够。
另外好推荐手打滑，我哋叫咗鸳鸯滑（蟹子墨鱼滑＋蟹子虾滑），打得好弹牙。
最后推荐埋呢杯冻柠柑桔，大大杯好抵饮；饮落好似有啲陈皮味同梅香咁，味道好丰富，食啖辣鸡配啖冻柠柑桔真系超爽！！
张贴
