青葉海鮮酒家 (昌泰街)

营业中

休息中

落荃湾攞返订咗嘅鲍鱼，跟住就近近地去呢一间饮茶。都好耐冇嚟过，原来装修过光猛咗，冷气冻咗。大致上八成嘅食物质素都唔差，啲韭菜饼系新鲜炸，唔似系炸定嘅，个芋角都唔会食到成口油，最难得系碟肠粉，出边食𠮶啲都系微热，但系呢度系热辣辣亦都唔似系返蒸过。另外其他点心都够热，好难得而家出街饮茶d点心系会出烟。鸡丝粉卷都少见，表现都唔错。沙姜鸡脚都好腍，又够热。系唯独少少失望喺个斑兰千层糕我想像中唔系蛋糕底系甜糕。同埋自己眼残本身想食星洲炒米，点知圈咗个豉油王炒面，个豉油王炒面就似粥舖炒定跟住夹俾你𠮶啲。题外话，部长嘅态度都唔系太好，两点入到去问佢有冇下午茶纸佢就皱晒眉头大声讲话未够钟，一个简单嘅问题，好唔耐烦㗎答覆，我知自己唔系熟客仔，咁唯有一笑置之。