青葉海鮮酒家 (昌泰街)

营业中

休息中

看見樓下寫住 “晚上8點後入席 ［全單八折］” 就入去食，上樓前擔心星期六，仲問了現在是否 8折。見有4人套餐幾扺就叫了，點知賣單時才話 套餐冇折。 咁咩叫 ［全單八折］？ 套餐又唔寫明冇折，叫餐時又唔講明，擺明陰人，真係冇下次了

落荃灣攞返訂咗嘅鮑魚，跟住就近近地去呢一間飲茶。都好耐冇嚟過，原來裝修過光猛咗，冷氣凍咗。大致上八成嘅食物質素都唔差，啲韭菜餅係新鮮炸，唔似係炸定嘅，個芋角都唔會食到成口油，最難得係碟腸粉，出邊食嗰啲都係微熱，但係呢度係熱辣辣亦都唔似係返蒸過。另外其他點心都夠熱，好難得而家出街飲茶d點心係會出煙。雞絲粉卷都少見，表現都唔錯。沙薑雞腳都好腍，又夠熱。係唯獨少少失望喺個斑蘭千層糕我想像中唔係蛋糕底係甜糕。同埋自己眼殘本身想食星洲炒米，點知圈咗個豉油王炒麵，個豉油王炒麵就似粥舖炒定跟住夾俾你嗰啲。題外話，部長嘅態度都唔係太好，兩點入到去問佢有冇下午茶紙佢就皺晒眉頭大聲講話未夠鐘，一個簡單嘅問題，好唔耐煩㗎答覆，我知自己唔係熟客仔，咁唯有一笑置之。

之前食過屯門，覺得幾好，今次食荃灣，新年同屋企人去食飯，老人家都係中意酒樓飲茶坐埋一齊食。餐廳環境：正常酒樓格局，都算乾淨清潔，吾算話好污糟，衛生情況可以接受🤭🤭食物方面：我哋叫左套餐再加小菜❣️燒雞每次黎到必叫，因為燒得好香口，食落好惹味🤭🤭多人可以叫一隻❣️龍蝦伊麵🦞龍蝦都算大隻好多肉，但個麵底有啲鹹😂老人家吾太中意❣️粟米魚肚羹幾足料🫶🏻🫶🏻啖啖魚肚，好食，而且勁大煲，每人一碗都仲有剩😂😂😂❣️乳豬我地叫左半隻，吾算多😂😂比較細隻，不過都啖啖肉，燒得好香脆🤩🤩❣️發財蠔市豬手豬手好淋👍🏻👍🏻而且有好多舊，好足料👍🏻👍🏻❣️其他小菜我哋仲有：薯仔牛柳粒——香甜可口，勁好食🤭🤭小朋友最鍾意👍🏻👍🏻食左勁多舊炒西蘭花——炒得吾會太淋，岩岩好，顔色又靚，吾會太鹹炒西芹——同西蘭花一樣保持水準😎😎老人家都話吾會太硬，味道岩岩好🤩🤩🤩🤩👍🏻👍🏻👍🏻

2023年9月10日，男子組很久沒有聚餐了，其中一位成員近月宣布要移民去‘’恩國‘’，於是乎就吹雞吃飯去。其中一員建議去青葉，這間食肆已有很多年歷史了，記得上次去這間食館已是10多年前的事，已忘記了吃什麼了，那就再來試試吧。一行8人，坐下就叫了一個套餐，老實說，沒有什麼驚喜但總算中規中矩，不太難吃，也不過不失，跟著再落單叫了半隻招牌BB豬，端上來，目測比較坊間的乳豬大隻，以為有特別手法，誰不知吃下去，味道很咸，沒什麼特別招牌，不太好吃，攪到我成晚要飲水，真系試過就算了。如果不是那BB豬扣了分，也是可以再去的。

同屋企人食晚飯 因為一家人有大有細 又有bb車 食中餐嘅話就只能㨂酒樓 平時好驚去酒樓 因為覺得好嘈 前幾年去過呢間 覺得靜靜地 d客比較私文 所以又黎食下等屋企人收工等太耐 叫左個燻蹄咬住先 呢個比較肥跟住叫主菜 紅燒豆腐、燒腩仔同欖菜四季豆 都幾好食 豆腐好香 燒腩仔又夠脆因為小朋友鍾意食片皮鴨 叫左一味有兩食 又幾抵麻麻地嘅係黃金蝦 我諗呢d都係大排檔整得好食d 另外扇貝都麻麻地 蒜蓉好咸 唔係新鮮切嘅蒜頭 似係現成買返黎倒落去 個扇貝都overcook左值得一讚Reception姨姨好有禮貌 整體黎講唔錯

7月22日靚媽陪揾食肥華，到荃灣街市街，悦和醬圍買港產辣椒醬，順便叫埋住在該區附近嘅，大仔仔出嚟呢間，大家都就腳的酒楼食晚飯，嘅然大仔仔肯應約而來，所以今晚呢餐嘅點菜權，由佢主導，而佢所點嘅菜式， 叉燒王及椒鹽鮮魷圽屬精選之作，趁熱食時兩者都有A+水準，而個通菜炒牛肉亦有A級分数，反之其餘三個小菜，芝士大蝦拼伊麵，豉汁篜黄䱽和豆腐支竹蚊魚腩煲，個味道就強差人意，祇有C至B級評語，不過今餐價錢亦算合理，整體唻講都係👍

今日(25-3-2023 Sat) 爸爸出院返嚟放好晒啲嘢後,就同老公帶佢嚟飲茶食晏,我老公攞位先,我哋後到.坐低後問爸爸想食咩嘢?佢答一碗燒鴨飯,由於佢肚餓,所以我哋落住第一轉嘢食先,要咗:2. 大點$28.00嘅白灼西生菜份量唔係多,呢個大致正常冇問題,不過稍為灼腍咗啲啲.味道:2.8分 1. $45.00嘅燒鴨飯呢個等好耐,而飯餸係分開上,份量唔少,可以兩個人share 食, 燒鴨俾咗上面嗰part我哋,唔膻,鴨皮都夠味,唔錯.不過我覺得啲飯乾咗啲,而爸爸就讚好食.味道:4.5分7. 後加小點$20.00嘅安蝦咸水角一客三件,每件都有剪開一半,外脆,口感同味道都正常.味道:3分3. 特點$33.00嘅蟹子燒賣皇Size同味道都正常.味道:3分4. 大點$28.00嘅滑雞絲粉卷粉卷滑,口感適中,個餡有芫茜同西芹,味道都正常.味道:3分5. 中點$24.00嘅蜜汁叉燒包甜度啱啱好,係正常嘅味道.味道:4分 8. 後加中點 $24.00嘅布拉腸粉米味濃,但口感太腍.味道:2.5分6. 後加 中點$24.00嘅鮮竹牛肉球Size正常嘅大,口感鬆軟.味道:4分9. 後加中點 $24.00嘅

今朝(7-1-2023 Sat)同老公去完銀行後食晏,又想飲茶,於是都嚟呢間(上次食評係2022年11月9日刊登嘅呢篇:https://www.openrice.com/zh/hongkong/review/%E8%BF%94%E8%88%8A%E6%A0%A1%E5%9C%92%E9%A3%B2%E8%8C%B6-e4608034),我哋今次喺一樓搵到位,睇完menu,要咗:5. 小點嘅香煎蘿蔔糕唔太脆,不過正常冇問題.3. 中點嘅香芋綠茶餅上次食過,不過老公再點,口感同上次差唔多,不過今次香芋同綠茶味濃返少少.2. 特點嘅北菇棉花雞好多魚肚不過唔太腍,仍有少少咬口,味道正常冇問題.1. 中點嘅鮮竹牛肉球味道同口感都正常.4. $45.00嘅芥末律醬茄子呢個等好耐至同椒鹽鮮魷一齊到,睇見有六件大大件炸咗嘅,上面唧啲沙律醬,食落,外脆內軟,但完全冇芥末味,加咗沙律醬更覺得漏.2.8分6. $58.00嘅椒鹽鮮魷細碟都無倫,係脆但唔夠椒鹽味.2.8分衛生:洗完晒o野斟茶,又有油浮喺面,點解呢?唔通係啲碗仔洗唔乾淨?因為我習慣將荼杯倒轉喺有熱水嘅碗仔喥浸.2.8分服務:我哋點咗6樣O野,但

大前日(6-10-2022 Sun)又同老公買餸食午餐,我突然想食鳳爪排骨飯,於是上南豐中心嘅百好名宴,但太多人,唔去喇.落返路德圍搵嘢食啦,見到前身係我中學,老闆係同一人嘅呢間,至記起佢,於是上嚟啦,我哋上到一樓係重有枱,不過唔太理想,於是上二樓, 二樓鬆動啲,仍有窗口位.我哋睇完menu揀咗:6. 中點嘅香芋綠茶餅一客三件,見佢有煎香嘅芝麻,原來啲芝麻只係喺側邊,試吓先,芝麻好香脆,香芋綠茶餅暖暖地,煙韌口感正常,但香芋同綠茶味都好清淡.味道:3分5. 頂點嘅鳳爪排骨飯見佢份量都正常,所有嘢嘅口感同味道都正常.味道:3分3. 中點嘅醬皇蒸鳳爪由於喺鳳爪排骨飯內嘅鳳爪唔會多汁,所以老公要埋呢個,味道同口感都同樣係正常.味道:3分2. 中點嘅千層馬拉糕呢個鬆軟,亦食到鹹香嘅蛋黃味,甜度亦適中.味道:5分4. 大點嘅蠔皇臘腸卷呢個好耐冇見過,我對臘腸一般,只係想食嗰舊充滿臘腸香味嘅麵糰,不過我都食一啖臘腸啦,呢條臘腸充斥住玫瑰露嘅味道,而麵糰卻冇我想要嘅臘腸香味咁多,所以我俾咗老公食.味道:3分1. 大點嘅滑雞絲粉卷呢個同樣好耐冇見過,同埋係最後至到.唔知係味蒸得太耐,粉皮太腍,一夾即斷

今天來用膳，點的是「英雄宴」套餐（解慰酒），希望這邊食物真的能為我們帶來安慰。紅皮赤壯燒腩肉皮脆、肉嫩、多汁，有輕微的overcooked，但已是中上級數，比大多酒樓做得都好。菠蘿咕嚕肉加了咕嚕汁仍然皮脆，皮不厚、硬，不過未到最薄，咕嚕汁味道輕微過酸。羅漢上素味道清淡但油膩，芡汁太重。菜沒有汆水，帶點苦澀。碧綠花枝蝦仁油下太多，不過蝦仁爽口、魷魚滑嫩。粟米魚肚羹味道不錯、用料足，芡汁都打得剛剛好。清蒸大海青斑魚不大，不過十分滑嫩，豉油味道也調得不差：不會過鹹，也不會沒有味道。野菌炆鮮竹味道清淡但油膩，芡汁太重。不過野菌處理得不錯，軟淋、沒有草青味，也沒有菇臭味。白切肥雞不乾柴，也不算滑嫩，味道太甜。楊洲炒飯粒粒分明、顏色均勻。精美甜品：腐竹薏米雞蛋糖水用料充足、不會太甜，可以接受。

今日約了友人們去行山，行山前當然先要去食飽肚先啦，相約於荃灣青葉酒樓，酒樓一共有兩層，地方不算大，以前是做高級粵菜成名;但是時移世易，人口老化等變遷，現在已降為做大眾對象的酒樓 ， 感覺上少了一個食高級粵菜的地方，有點可惜。蝦餃、煎腸粉、蝦角、春卷、牛百葉、粥、雞扎、紅棗糕……擺滿了一枱的點心。蝦餃味道不錯，有大隻鮮蝦有蝦味，保持蝦餃應有之鮮味。煎腸粉的賣相一般，可能亦沒煎得夠就拿出來上枱，所以不夠熱。春卷賣相太差了，有可能是翻炸的，所以外皮變得很黑，咬落既韌又不脆口。反而蝦角是新鮮炸，外貌色澤金黄討好且比春卷好味，裏面的蝦亦夠大隻，蝦肉彈牙兼且蝦角皮十分脆。牛柏葉煮得爽口，沒有過韌的感覺，上湯味道很濃。雞扎兩隻大大嚿，味道不錯，芋頭入口夠淋，雞件亦夠入味。紅棗糕的味道不是很甜，很有紅棗味。總的來說點心都有中上水準，下次再會來試其他菜式。

荃灣覓食，今晚黎到三十幾年歷史的千葉酒樓，伙記熱情好客有禮貌😬，呢餐只叫片皮鴨二食，只係$158#片皮鴨，皮還可，略脆，不太油膩👍，薄皮差d，不夠熱，不夠鬆軟#苦瓜炆鴨壳 大大碟，肉多過苦瓜，味道較淡，鴨有少少蘇，最後要用辣椒油辟味😹

早上九點去到酒樓買外賣，當時都冇乜茶客，買咗燒賣王(4件)丶叉燒包(3件)仲有係買(特點)碧綠蝦餃(3件), total $66.4。返到屋企先知道俾錯咗粉果。當然價錢一定唔同啦，但係而家咁靜嘅市道，冇乜茶客，咁都出錯我覺得好離譜囉。🤬如果繁忙時間出錯，都話忙中有錯，會體諒吖。加上我自己都好環保帶定兩個膠盒去俾職員載點心。另外，我自己本人係好討厭食粉果！佢呢啲粉果又勁厚，裏面又多肥肉🤮

好耐之前都經常係昵到飲茶，食物同埋招呼都唔錯。而且又知道佢呢度有燒味賣。突然心血來潮想食燒味，上次途經全部賣哂，今日途經早咗D，見到仲有，燒鴨望落不錯，就買了半隻回家，原本想再買多半隻🐔雞，可惜賣哂，回到家，打開燒鴨，再輕微翻熱，吃下還是肉嫩多汁，有佳肴當然要配美酒，倒了杯紅酒🍷⋯⋯慢慢品嚐，配搭著枱上的又香又多汁，肉又嫩滑的燒鴨，燒鴨本身也很好吃，再配理紅酒🍷一齊食，天衣無縫⋯⋯人生態度⋯⋯享受生活👏呢間酒樓D燒味，又平又好吃，飲茶點心好吃，燒味一樣咁好，水準依然不變⋯⋯

中秋佳節，正是一家人相聚吃大餐的時候。這次仍是到路德圍青葉酒樓。點一個套餐，有燒乳豬，半肥瘦不膩，燒的剛好。西芹蝦仁，粉絲蒸蟹。雞絲海皇𡙡，清蒸龍躉，新鮮。鹽燒茄子雜菌。荷葉蒸飯，好香，有嚼勁。生果盤新鮮。