影片
更多
2016-04-22
5224 浏览
我朋友话不如去佐敦打粥底边炉, 一听名字"锅心", 一 search 之下, 原来系大围个间, 原来佢系佐敦开左分店, 即刻答应去试下! 分三段时间, 头段系 6:00-8:30, 我地为免楝中段要等, 所以我地栋左头段食, 个日一放工, 就即刻奔跑搭地铁过佐敦....黎到刚刚好六点正, 我地发觉, 其实好多人都未开始打, 只系揾个个代表黎攞左抬先..., 但系眼所见都full 晒! 哩度叫法系, 一定系粥底, 包括当日新鲜的七款海鲜 (视乎老细个日见到咩新鲜就买咩), 仲可以自选五款配料, 所有分量系根据人头俾既, 唔使惊唔够食, 因为好足够! 最后会加芋头, 南瓜, 粟米, 煲粥食! 完成...一坐底就放底盘沙律..啲菜都好新鲜, 话要系 FB 打咭先送, 但系我地冇打咭都已经放底左 (不过送完即止!)之后会上一锅粥水俾你一阵打边炉..好清! (唔好睇佢而家咁清, 到最后食晒所有野, 个碗粥真系好味)今日海鲜包括七款:蟹系第一步放落粥到, 今日啲膏都算多, 好鲜!鲍鱼好弹牙好淋, 唔细只架!哩三款贝壳类我都唔识分, 我只知道又系好鲜甜, 但记住千祈唔好煮太耐, 记住一开口煮多一阵就
哩度叫法系, 一定系粥底, 包括当日新鲜的七款海鲜 (视乎老细个日见到咩新鲜就买咩), 仲可以自选五款配料, 所有分量系根据人头俾既, 唔使惊唔够食, 因为好足够! 最后会加芋头, 南瓜, 粟米, 煲粥食! 完成...
一坐底就放底盘沙律..啲菜都好新鲜, 话要系 FB 打咭先送, 但系我地冇打咭都已经放底左 (不过送完即止!)
之后会上一锅粥水俾你一阵打边炉..好清! (唔好睇佢而家咁清, 到最后食晒所有野, 个碗粥真系好味)
今日海鲜包括七款:蟹系第一步放落粥到, 今日啲膏都算多, 好鲜!
鲍鱼好弹牙好淋, 唔细只架!
哩三款贝壳类我都唔识分, 我只知道又系好鲜甜, 但记住千祈唔好煮太耐, 记住一开口煮多一阵就食得啦!
啲虾黎到时, 系有只碟放系上面, 原来啲虾仲识郁, 坚新鲜呀!
哩条应该系多宝鱼, 我觉得一般, 可能太多骨!
食到咁上下, 员工会帮我地加入芋头, 南瓜, 粟米, 仲叫我地唔好食左佢...可能系要用黎增加个粥味..(系之后我地食左少少芋头, 好味呀! 如果唔系叫我地唔好食, 我念我会食晒啰)自选配料我地楝左: 花枝丸, 贡丸,
自家制手打鸡骨丸
花胶仔, 够骨胶原
因为之后个锅底要用黎煮粥, 所以我地冇楝牛肉, 楝左黑毛猪梅头肉, 冇楝猪腩肉, 惊会肥膏多!
食完晒所有野, 员工会帮我地加一碗粥, 再加入冬菜, 菜甫粒, 大头菜, 猪油渣, 煮成一镬粥!
咁既分量都系每人$198, 仲要唔使加一, 真系食到棒住个肚走!
题外话/补充资料：
帮衬当日因为落雨, 去厕所的位置系系后门天井位, 个洗手位系露天, 佢只系揾一张帆布挡住个顶, 但系侧面仍然会有雨水流下来, 比较唔系好方便同卫生
(以上食记乃用户个人意见 , 并不代表OpenRice之观点。)
张贴
