Seasons Restaurant & Bar

营业中

休息中

朋友话想食印度薄饼，经过见到餐厅装修几有特色，而且系食东南亚菜，仲要有酒精饮品，于是决定一试～觉得整体都ok～cheese naan $38呢个naan 质感好松软，拎起身好似棉花咁好轻好软绵绵，食落好似d白面包嘅口感，芝士馅比较少，食起身冇咩芝士味。如果钟意冇咁浓郁厚实嘅naan，呢款就啱晒～鲜虾芦笋沙律 $132沙律菜都新鲜，仲有d 几甜嘅彩椒同食落几嫩嘅芦笋。酱汁几辣下，甜甜酸酸嘅辣，几fresh。香菇鸡肉宽条面 $145第一啖食落觉得奶油味几香浓creamy，而且每一条面都沾满左酱，面质比较硬有口感弹牙，但系食落有dd粗孩。鸡肉同蘑菇份量唔多，胜在入味，整体creamy 香浓。Vanilla smoothie $48呢杯饮品第一啖觉得似奶粉味，再饮几啖觉得似系融左嘅云呢拿雪糕同冰打成，似紧稀嘅云呢雪糕。不过几解辣。