大喜屋 (已結業)

每隔一阵，都会约朋友去食放题，去食餐劲既😋。趁星期日夜晚得闲，黎同朋友到尖沙咀大喜屋食放题。先黎食个黑松露带子沙律。带子上面淋上酸酸甜甜酱汁，非常开胃。而黑松露味亦很香。跟住开始食刺身，为咗唔做大嘥鬼，我地叫咗少少试下先。甜虾同带子都好鲜味。之后就到烧物出场。每次放题必食既烧番薯仔，外皮带温热，入面好甜好香😋。羊架一啲都唔膻，而且夹杂住羊脂烧，食落好香，而够腍。烧菠萝超好味，好甜😍。不过烧牛舌就嫌烧得太耐，唔够嫩，但牛味系好够既。炸物好出色，入口一啲都唔油腻，而且上枱时仲系热既。由于炸物太好食，即使好邪恶，但都忍唔住Encore多份食😍。之然仲点咗啲寿司食，寿司细细件，可以食多啲啲都唔会易饱。三文鱼腩质素都唔错。最后要食埋甜品，为尼餐划上完美既句号。甜品细细份，可以试多几款。其中奶冻最讨我欢心，奶味香浓，质地细滑😋。