Candy Shake (已結業)

近排开咗sem，系ReU嘅节奏啊！大口喺星期日都去咗旺角嘅Party House同人班大学朋友玩～之后见肚饿就去咗登打士街条食街睇下有啲乜嘢好嘢食！行过见到Candy Shake醒起之前试过唔错～再去食多次，扫街就最啱试吓呢啲细细份嘅小食同饮品架啦！今次大口叫咗麦提沙奶昔同埋海胆孖宝（一口海胆拉丝多士，一口海胆车打芝士焗蘑菇），其实本来想叫黄金墨鱼球，但系可能我去得太迟啦！佢已经卖完啦⋯⋯真系可惜！不过下次行过再试过～个麦提沙奶昔真系好足料，啖啖都有麦提沙，见到个店员真系落咗好多落去架，再加埋啲cream啊奶啊，咁样真系大满足呀，真系饮完杯麦提沙奶昔都饱啊！至于个海胆芝士孖宝呢，真满足到我想食平嘅海胆嘅愿望，虽然份量细咗啲～真系一口搞掂，但系海胆好鲜味我觉得同蘑菇特别夹呀！总括来讲去旺角扫街可以试吓呢一间Candy食可能有惊喜呢！