秋香 (康景花園)

营业中

休息中

秋香 (康景花园) (屯门)屯门青善街38号康景花园地下26-27号舖极上ニ人前 $698头盘系日式前菜，即系海带豆腐，食物系艺术品，喺豆腐上面画花，真系劲靓㖞，赏心悦目。每日餐汤就系忌廉南瓜汤，好味，够料，香味扑鼻，入口绵绵，咕噜咕噜就饮晒啦，正。秋香推介威士忌烧蚝，一啖一只蚝，店员会喺你面前喷威士忌，有酒嘅少少甘味，一啲都唔会腥，蚝🦪鲜味同埋蟹籽嘅鲜甜都令到口感非常丰富。炸物拼盘有炸虾、炸蚝、炸鱿鱼圈，全部都非常松脆，毫无油腻感。一人一件都慢慢够饱。串烧盛（厨师发办）有烧蕃茄仔，非常鲜美，颜色又好睇，烧菠萝🍍劲甜，有焦糖味。烧鸡、牛、猪三串非常出色，食到停唔到口。终极主食盐烧白鳝煲仔饭（+40），客人讲嚟秋香就一定要食白鳝煲仔饭，因为得呢度先食到，所以加钱都要一试。绝对令人喜出望外，白鳝皮酥脆，肉质鲜嫩，甜滑，处理得非常清洁，绝无泥味。煲仔饭极度出色，饭质鲜甜，极都好味嘅饭焦，令人垂涎🤤精选甜品系法式可丽饼，以薄脆饼皮搭配鲜奶油同芋圆同日本蕨饼，好创新。