叉燒大王

营业中

休息中

今日happy Friday, 老婆话唔煮饭想出街食，咁我哋就去河畔睇吓有咩好食，喺门口出边已经见到好多人，间铺头叫叉烧大王，一听个名就觉得佢应该叉烧系超级好食，咁老婆都想食中菜咁就入去啦。特选蜜汁叉烧王貌相非常好，份量都好多，烧得非常香口，色泽均匀，肥瘦适中，唔会好韧，入口有好香蜜汁味，超级好食，系出面舖头，街市都食唔到。值得称得上叉烧大王。蜜糖牛仔粒，除咗牛肉仲有薯仔薯仔整得好松脆，牛仔粒好松软唔会好韧，蜜糖汁同牛仔粒夹非常好味。烧汁肉松酿茄子，个菜上到黎仲系好热因为有铁板非常特别，茄子非常鲜甜，入面仲有靓鱼肉同肉松，非常脆口。丝苗白饭唔会煮得太软同太硬软硬适中。铁观音，非常甘香唔同出边酒楼𠮶啲铁观音好苦。环境方面座位非常舒适唔会太迫，今日仲要全场爆满。