叉燒大王

营业中

休息中

今次同朋友去左沙田食！叉！烧！听落好似好搞笑，竟然专登去餐厅食叉烧？系啊！依间叉烧大王最出名就系招牌特选蜜汁叉烧王。一去到间餐厅就叫咗一碟例牌叉烧，侍应仲推介左墨鱼嘴同椒盐猪骨。𠮶度环境同茶楼冇乜分别，仲可以叹下茶。做嘅大多数都系街坊生意。等左唔使五分钟一碟香喷喷嘅例牌叉烧就送到我哋面前。叉烧肥肉均匀分布，色泽鲜亮。我同朋友都急不及待咁夹左一旧试吓。一咬落去觉得肉质好松软，连埋肥猪肉嘅香味，加上秘制蜜汁真系绝配啊! 炸墨鱼都好香口，好新鲜，配埋葱一齐捞饭就正啦！椒盐猪骨多好惹味！我同朋友争住食最后一旧黎捞饭！哈哈！啲肉质厚实，但一啲都唔韧！个人好支持港式餐厅，如果大家有时间一定要去试吓！不会失望呢！