麵匠風龍

营业中

休息中

湾仔面匠风龙每逢中午食饭时间，风龙都一定会大排长龙。 今日趁老细放假，提早偷走出嚟食风龙。中午十二点半过到嚟，啱啱好唔使排队就可以入座。 呢度嘅拉面选择唔多，得三款。 我点咗个最普通嘅豚骨汤拉面。拉面上到嚟，望落冇乜特别， 得一片紫菜，少许葱花同木耳丝。我用匙羹捞一捞咗个面底，发现连糖心蛋都冇， 后尾先至知道原来单点拉面系冇糖心蛋。拉面采用幼面，面质偏软， 食落去𠮶时面条索有汤汁，但又唔会过淋， 软硬度啱啱好。 汤底较为清淡， 饮落唔会过咸， 水准中上。不得不提既系佢嘅叉烧。佢呢度嘅叉烧系分碟另上，叉烧瘦肉为主，带少许肥肉。整体煎得比较干身。叉烧有一定厚度，咬落渗出少许油份，带有酱油香味， 睇得出店家系叉烧上有下番一番功夫。拉面埋单80蚊， 整体水准不俗。可惜湾仔区日式拉面店林立， 呢个收费依个质素好容易畀同行比下去，cp值唔系咁高。