齒留香

营业中

休息中

经历过上次嘅烧鹅得块皮乳猪变烧肉嘅四宝饭，今次专心试真d个招牌叉烧同烧鹅，于是就叫左叉鹅饭。叉烧冇上次咁肥瘦适中，冇咁好食，始终叉烧唔会旧旧都靓同啱我心水，起码冇超瘦都算系咁，但就算唔上No. 1,优点只系够淋，冇特别香味，一般般咁样，如果系带住期望咁去试就多数会少少失望。烧鹅今次有肉食，yeah, 但就冇乜鹅油香味，肉都系够淋，唔似好多其他地方肉会干同韧，总合黎讲都系不过不失，好多地方都会有更好嘅烧鹅(好似前几日食过嘅深水埗鹅之极品). 油菜，够大碟，但个人爱好西生菜，而佢系唐生菜，有少少苦味。总结呢个叉烧no. 1体验，叉烧要食到靓，始终要撞手神，几十蚊货仔要保证最好食系好难，无论店家几有自信都好。如果系有心做No. 1,不妨做最好卖最贵，有质数嘅嘢一定有市场。