齒留香

营业中

休息中

聽講燒味叉燒好出名，見外賣平台可以嗌就點左個五寶飯配可樂六十幾蚊送到黎一打開真係嚇親勁大盒，全個底都係飯之餘D燒味仲鋪滿左成個飯有燒鵝、叉燒、燻蹄、紅腸、鹹蛋個人認為60零蚊有咁多餸，性價比都幾高🫶🏻🫶🏻燒鵝 外皮燒得好香，好多肉，不過件數比較少🦢🦢🦢叉燒半肥瘦味道偏甜 肉汁都好軟淋🍖🍖🍖燻蹄好大件 不過都係冇乜味 點埋醋就好食🐽🐽🐽紅腸正常大路嘢 唔會太鹹鹹蛋 偏鹹 不過鹹蛋黃好靚流曬油🥚🥚🥚外賣有咁嘅質素 五寶飯都算係咁落大雨或者天氣好熱嘅時候 都可以再嗌過

叉燒以前係幾好食嘅，可惜質素每況越下，一次差過一次。諗住畀多一次機會，專程由上水揸車過嚟太子買，帶嚟嘅係再一次嘅失望。落單時講明要肥叉，返到屋企發現盒叉燒無一舊係肥，全部都係柴皮瘦肉，蜜汁味係幾濃，但完全cover唔到舊叉燒嘅質感，仲要睇落都唔似係同一個部位切出嚟😓，睇見都唔開胃，價錢又貴過人，質素又愈嚟愈差，已經諗唔到返嚟幫襯嘅理由😓諗住過嚟買嘅，除非你係想買鞋口嘅叉燒，如果唔係就揀過第二間啦！

購買時已同職員講要半肥瘦叉，但返到屋企先發現好瘦，食落又柴，無叉燒味，啲肉質好差，唔係正常叉燒應有嘅質感。打電話落去投訴，啲職員剩係話同師傅反應。我估應該成日有人打去投訴，職員嘅語氣已經係慣常回答。叉燒肉質好差，同以往嘅質素相差太遠。相片中嘅叉燒質素，街市大把鋪頭做得好過佢啦。職員態度惡劣，食物質素差，以後唔會再去買，寧願去街市求其買一檔仲好食過。今日返公司同返同事講，佢哋都話中過伏，以後唔會再去幫襯

今日想食燒味飯應該太子 齒留香， 走咗去買了一個雙拼飯叉燒油雞 已經和職員說要雞胸， 職員態度非常差 結果， 真係冇 畀雞胸， 只畀咗 背脊 和雞屎忽， 叉燒非常韌， 以為佢主打叉燒非常靚， 最後感受就係 食物和服務非常差🙏🙏🙏

已經同收銀員阿姐講咗話要半肥瘦叉燒，如果你冇嘅話同我講聲，咁我咪要肥叉燒或者揀第二樣或者去第二間。點知買到返屋企先發現成盒都係乾柴叉燒，算，俾個機會你，可能食落還好，點知食咗半舊，咀嚼完之後吐返出嚟。結果我當買咗盒白飯，叉燒柴到食唔到，嘥我錢，以後唔會幫襯！另外我覺得可能已經唔係關係唔係半肥瘦叉燒嘅問題，係你哋入嘅豬肉真係好差。我係太子街坊，呢間野曾經好食，究竟係咪因為轉咗手，質素可以差成咁。屋企人補充：已經難食咗一段時期，乜你咁大意。

叉燒又乾又柴，豉油雞冇豉油味。師傅切嘢又一大嚿。劣質。水準差咗好多，同夥計反映，聽佢哋回應似係常態。所以唔建議幫襯，區內有更好的選擇。原本諗住開開心心食個下午茶，結果連野都未食晒。

今日放工，上咗巴士，因為公司附近冇乜嘢啱食，就諗住不如架巴士經過太子嘅時候落車買盒飯食。啱啱落車，就對正呢間燒臘店，我見到佢個玻璃窗掛住啲叉燒我見到佢個玻璃窗掛住啲叉燒，目測好似都唔錯，所以就決定幫佢買盒飯。肥叉燒飯加粉葛赤小豆例湯，總共46.00，對我來講都算係親民價，因為喺我公司果頭食飯，閒閒地100.00。我買外賣，重要攞翻上巴士搭車返屋企，咁我就開openrice 黎睇吓，見到大多數都係負評，我個心諗弊喇，但都要返屋企自己試下先，如果唔係真係咁差，我就幫佢寫番一個食評。返到黎，首先打開碗湯先，都對辦，好多粉葛，足料，冇味精，跟住再打開盒飯，都好OK，叉燒有一種孜然味(或者係香料啦)，唔咸，冇過多嘅醃料，好林，唯一美中不足就係，我想食肥叉，但係呢舊唔肥，同埋盒飯裡面有一督酸菜，比較開胃，下次問佢攞多啲。我上星期寫左一個食評，食左158蚊嘅飯，喺好hea，好唔滿足，今次就唔同，起碼踏踏實實食左個飯。

所謂嘅半肥瘦遠近馳名叉燒。睇完食評都知道，但係以前屋企人食過好多食，決定比多次機會佢。透明盒，門口就決定開黎睇下。點知真係。。。Open rice 評價5算多，我諗係因為逼人寫最少80字評論。大部份人都仲咬緊佢d瘦叉，唔得閒人黎比差評

復活節假第三天，出奇地舖內人流和外買也不多，是特別乘車過來買外賣叉鵝飯和叉燒燒肉飯，兩盒飯全部叉燒非常瘦和乾, 老公先吃叉鵝飯，稱叉燒食落十分(鞋)，留了幾件給我，一吃下去真的和平常的很不同，一向叉燒是有些少汁，今天是完沒有的，而鵝也斬得很碎，鵝肉同樣是乾，有一件肉的顏色更是近乎黑色，好像是隔夜，飯中有很多碎骨，另乳鴿稱即買即炸，所以等了15分鐘，但也同樣是很乾，燒肉已好些少,但皮也是淋的,已買了很多年，第一次質素這樣差呢，很失望

午時，行經太子齒留香，門口見掛住啲燒鵝好似唔錯。入去叫咗個燒鵝油雞飯，好快上，一試，燒鵝同油雞都係凍冰冰的，叫侍應加熱後，賣相似乎還可以，但，再一試，燒鵝同油雞都係味同嚼蠟，鵝冇鵝味，雞冇雞味

今日去完教堂漫無目的的遊走途中見到呢間店門口排隊（原來係外賣）。企咗係門口一陣見到有發哥等明星既合照， 於是乎上openrice睇下食評。本來個心1516唔知食唔食燒味好，點知見到咁多負評就立下決心入去試下（個人比較唔信邪）。點咗燒肉咸香雞飯送例湯。個例湯真心好飲（今日係蓮藕紅蘿蔔粟米湯）！燒肉皮超脆但個雞就麻麻地，我覺得太鹹同埋無乜🐔味。總括來講呢個價錢可以架喇。下次要飲個大例湯同埋試吓叉燒。

要肥义飯就變超瘦义飯切雞反走胸就成個胸比晒你前枱嘅服務就真係要好有EQ至可以溝通得到堂食燒肉飯！唔知係咪佢哋嘅規矩，比你嘅燒肉塊皮永遠係𡁻唔到！電鋸都切唔開以前都冇咁差劣，依家真係差好多你買外賣！一俾完錢就被人呼喝出門口企！等取食物！走遲啲都好似犯下彌天大罪咁！比人鬧到失暈。你想要多少少汁係飯盒？有一定難道！請咗好多次都係多一、兩滴！真係好矜貴，佢會話唔好咁多喇！恐怕太咸！已經唔係好敢同佢買外賣了。不過同佢買野都係一個好好EQ訓練

以前個師傅好好，就算買外賣d餸又多又靚又好味，上過星期經過買完，想爆粗，叉雞飯，全部雞俾曬雞亦加亦尖，係成隻雞d雞亦齊曬係我盒隻度，將心比己，師傅你自己去買外賣，開盒全部變曬雞亦尖，你有咩感覺？今日家人又唔知死，去買外賣飯，打開咁少餸既，同街市$25一盒個d差不多，可唔可以俾番以前質素？會唔會係老闆親自出馬落場斬叉燒？咁鬼孤寒既！我唔介意俾多幾蚊，可唔可以keep住以往質素呢？我真心估唔到兩次都係咁

小弟熱愛肥叉燒，明知太子呢間齒留香比另一間齒留香貴少少，但都唔介意喺度買，因為對呢間自稱「馳名叉燒我係no.1」有信心。小弟今次叫咗半斤肥叉燒，咁間舖又地方淺窄，無得企定定睇個師傅斬，但見收銀姐姐都好清楚打好張單寫住「要肥」嘅，咁我都相信舖頭唔打開睇就返屋企喇。點知咁就出事。如果成盒入面有幾舊叉燒有少少肥糕都算數，但係我真係睇哂成盒都無一舊肥糕，係一丁點都無呀。係唔係「馳名叉燒我係no.1」我唔知，我淨係知以後我唔會再幫襯佢任何一間舖，豆令都唔會俾佢再賺。

齒留香最出名义燒，當然要試下啦，但堂食要$52，外賣單拼先$38，唯有唔好同自己個荷包作對，一於外賣。單拼义燒飯$38落單時叫义燒淋啲，唔要肥义，啲肉冇咩肥但都好淋，唔會好硬好鞋