樓下冰室

营业中

休息中

🍴餐厅：楼下冰室📍地址：鲗鱼涌英皇道967号地舖今日去开鲗鱼涌想食午餐，但是午饭时间四围都排晒长龙，最后唯有买外卖去公园食呢度门口去装修紧搭晒棚架，见到冇乜人等外卖，就决定买呢间滑蛋叉烧饭 $59 叫埋嘢饮跟餐半价冻好立克 $12 （跟餐）价钱都比较贵，话晒都系港岛区，好彩份量都几多下，蛋同叉烧多过饭，叉烧有惊喜，睇落好似好瘦，但啲肉系脆口，好冧好入味，蛋就过得去啦，如果叉烧切咗粒会更加好，好立克叫咗走甜，但系啲粉超多超多，虽然无落糖，但系都系劲甜，可以自己沟水饮多杯。服务方面一般啦，茶餐厅好极都系咁上下，粗声粗气系平常事，落单讲慢左系我唔好😅