叉燒大王

营业中

休息中

收工约咗朋友去沙田行下宜家家私，睇野之前当然周围揾下有咩美食，系河畔花园附近开左好多餐厅仔，主要都系做街坊生意，通常边间餐厅门口最多人排队等位，就知道一定好好食啦， 我地兜咗个圈，最后拣左"叉烧大王" ，香港地道美食烧味！烧味之中，我自己最钟意食既就系叉烧，钟意佢甜甜的蜜糖汁。特选蜜汁叉烧王 $88虽然叫例牌，但份量绝对唔惹少，件件都系厚切。 卖相唔错，有光泽，带少许㶶边，食落有焦香味。肥瘦一层层相间，入口肉味香浓。蜜薯牛仔粒 $88薯仔同牛肉好夹，切到一口一粒，方便食。 薯仔趁热食，刚炸起又脆又甜， 薯仔味道香浓，相当味。牛仔粒口感软淋，只有两三嚿食到有根。客家胡椒浸酿豆卜 $68好似胡椒猪肚汤的味道，胡椒香辣相当暖胃，但略嫌有点过咸。豆卜索晒啲汤汁，在口中爆汁，正。