影片
更多
2010-07-15
29 浏览
上个星期, 师傅心血来潮想黎呢间食店, 于是趁住放饭时间, 就过黎呢度食一餐啦; 其实唔知点解想黎, 但当时个脑净系浮现左呢间食店, 再屈指一算, 原来师傅都有成年几冇黎过呢间食店, 唔知水准有冇变到呢? 入到食店唔算多人, 皆因时间比较早, 行埋去求其揾个位坐底, 坦白讲招呼欠奉, 绝对唔会有伙计带位, 全程自动波; 师傅坐底后睇下有咩想食, 睇睇下就好想食云吞面, 又好想食炸酱面, 但更加想食叉烧饭, 所以最后还是不敌叉烧饭嘅威力, 就柯打左一碟叉烧饭!叉烧饭所等嘅时间都比较耐, 呢一点真系令师傅有少少费解! 叉烧饭终于登场, 根据师傅嘅非正式统计大约等左十分钟, 叉烧饭卖相几好, 仲有几条菜心伴碟, 系咪正菜就未知, 真系要试过先知, 正当师傅准备将d菜心放入口时, 发觉菜心内里好多沙, 好明显冇咩点洗过啦, 师傅喺咁嘅情况下当然系弃车保帅啦; 再试下叉烧, 叉烧真系烧得几香, 肉身松软, 而蜜味唔会太甜, 味道洽到好处, 都算得上几有水准; 师傅记得上次白饭系好湿, 而是次白饭回复正常, 令叉烧加白饭呢个配搭发挥得淋漓尽致, 得㖞!总括黎讲叉烧饭质素甚佳, 环境光猛舒服, 服务
入到食店唔算多人, 皆因时间比较早, 行埋去求其揾个位坐底, 坦白讲招呼欠奉, 绝对唔会有伙计带位, 全程自动波; 师傅坐底后睇下有咩想食, 睇睇下就好想食云吞面, 又好想食炸酱面, 但更加想食叉烧饭, 所以最后还是不敌叉烧饭嘅威力, 就柯打左一碟叉烧饭!
叉烧饭所等嘅时间都比较耐, 呢一点真系令师傅有少少费解! 叉烧饭终于登场, 根据师傅嘅非正式统计大约等左十分钟, 叉烧饭卖相几好, 仲有几条菜心伴碟, 系咪正菜就未知, 真系要试过先知, 正当师傅准备将d菜心放入口时, 发觉菜心内里好多沙, 好明显冇咩点洗过啦, 师傅喺咁嘅情况下当然系弃车保帅啦; 再试下叉烧, 叉烧真系烧得几香, 肉身松软, 而蜜味唔会太甜, 味道洽到好处, 都算得上几有水准; 师傅记得上次白饭系好湿, 而是次白饭回复正常, 令叉烧加白饭呢个配搭发挥得淋漓尽致, 得㖞!
总括黎讲叉烧饭质素甚佳, 环境光猛舒服, 服务就颇差, 眼见d食客叫极都冇人理真系替佢地心痛, 而价钱都算一般啦, 三十二蚊一碟, 冇汤冇茶, 抵食程度一般啦; 师傅觉得如果喺呢区想食得好少少嘅叉烧同坐得舒服少少, 而又唔介意服务态度差的话, 呢间食店系值得考虑; 笑脸比唔到系因为服务太唔得, 会否再来就要视乎师傅想唔想受气喇!
张贴
