三田製麵所 (金朝陽中心二期 - Midtown)

营业中

休息中

同女友行铜锣湾，夜晚就去登龙街揾餐厅，见到呢间小人排队，睇餐牌又好似ok，就等一阵入去。入去点左2个一人餐（2人餐个前菜唔多岩我地口味）。我就要辣拉面，女友要左沾面，配左饺子同埋忌廉蟹饼。沾面唔错，汤够热，汤味几浓，而且面既份量大，面条又粗，好食👍👍女友食唔哂要比一半我。我觉得叉烧系够淋，一咬就烂。但唔够肥，对我黎讲，叉烧一定要够肥先好食，呢件我只比合格。拉面味道几好，汤浓而唔太咸，面条比沾面幼啲，而且份量比沾面小三份一，好彩我有沾面加持😁😁，如果拉面可以选择沾面既面，咁就正。饺子份量比较少，得三只，如果多1-2件会好啲。忌廉蟹饼2件就够，炸得酥脆，咬落又热又香又爽脆，个人就好钟意。2个一人餐觉得铜锣湾黎讲算ok，不过又唔觉真系好好食既。如果谂唔到食乜，可以黎试下。