齒留香

营业中

休息中

呢间舖位令我印象好深刻嘅系，门面相当阔大，但入到去好细，坐位亦唔多。呢条友出名招积，今次嚟就系专登试佢嘅出品究竟有冇名过其实。店内座位比我想像中少，我坐喺门口已经算比较阔落，见里面仲迫，座位之外只得一条窄窄嘅通道。我净系想食叉烧。仲记得网上有影片老板系舖门口捧住盘叉烧请街坊食，举起纸牌大吹大擂，话自己叉烧比同行都好，呢幕令人印象深刻。就叫个叉烧濑加杯奶茶，目标系叉烧。结果发现濑粉水准都相当高，汤底有花椒八角十分清香。主角叉烧的确有水准，瘦位都10分淋滑，香味同我食过其他地方嘅叉烧有啲分别，系比较低调嘅甜，我估系老板特制嘅酱料发挥功效。或者可以话稍稍欠啲猪肉味，但绝对系水准之作。如果再腌尖啲，仲可以批评佢颜色唔sharp唔够鲜艳夺目。不过我都唔系咁奄尖嘅人，味道好比较重要。杯奶茶有甶个杯开始已经有啲九唔搭八，水准亦一般般。但佢唔系我嘅测试目标，不谈也罢。