大龍燒味 (已結業)

路经附近，想起晚饭要加𩠌，买了一大条叉烧，好抵一家4口够食，只系$50！叉烧好入味，唔会太多蜜糖味掩盖了肉味/bbq 味。我叫半肥瘦，真系比了半肥瘦的，所以咬落好松软，唔会「鞋」！半肥瘦叉烧系最好食的，怕肥就唔好食叉烧….老板好好招呼，仲比几条叉烧我拣，又同我解释边条肥边条瘦，唔似有d 铺头比d 箩底橙比你，应该都系做开街坊生意。同老板倾开，佢哋d 烧味都系老板日日自己烧。其实我见佢地d 烧肉都好似好靓，不过我食唔到咁多就冇买啦。