大龍燒味 (已結業)

亞仔最喜歡食燒排骨，中式西式都啱，但剛試過在大龍燒味買了一條燒排骨比佢後，佢話以後都要在此買，不用周圍試，因為這兒又抵食又好食！五十多元有一條，已經夠佢乜餸都唔食就食了兩碗飯。我搶到一件來試，覺得佢亦不算誇張，件燒排骨夠哂入味，邊有少少焦，非常香口，實在估不到如此街坊價錢可以買到如此高水準的燒排骨，（因亞仔常常要食，我也在各大小餐廳食過不少）。可惜大龍燒味不是在我家樓下，否則晚晚斬料就可以養到亞仔肥肥白白！

今日又到大龍買燒肉和叉燒，燒肉半肥瘦，皮燒得好脆，超好食；另外，因老公要減肥要食瘦叉，連瘦叉都好軟身，十分好食！店舖好乾淨，老闆好好人！性價比高，一定要買來食😊😊😊

瑞午節，今天買了些燒鴨，燒肉，燒腓骨，早上預先訂好，老板燒好便放在爐內，傍晚我來取，服務態度很好，也好好食！燒肉很鬆脆，燒腓骨很香，燒鴨好大隻要放滿兩盒！價錢也相宜。

服務態度一流，注意衛生，價亷物美，抵食好味。老闆和員工態度友善，燒味真材實料，燒味師傅手藝一流，特別是义燒、燒腩仔、雞翼，好好味，香脆美味，燒味飯足料好食。難得在香港仍找到，有水準的燒味店。

路經附近，想起晚飯要加餸，買了一大條叉燒，好抵一家4口夠食，只係$50！叉燒好入味，唔會太多蜜糖味掩蓋了肉味/bbq 味。我叫半肥瘦，真係比了半肥瘦的，所以咬落好鬆軟，唔會「鞋」！半肥瘦叉燒係最好食的，怕肥就唔好食叉燒….老闆好好招呼，仲比幾條叉燒我揀，又同我解釋邊條肥邊條瘦，唔似有d 鋪頭比d 籮底橙比你，應該都係做開街坊生意。同老闆傾開，佢哋d 燒味都係老闆日日自己燒。其實我見佢地d 燒肉都好似好靚，不過我食唔到咁多就冇買啦。

我係住喺附近嘅街坊，每逢要斬料加送，我一定去大龍燒味！經常食佢地嘅燒排骨，惹味、多汁、肉質嫩滑，水準保持到，每一次食都好正！不過經常賣斷市，有幾次去到都已經賣晒😢另外一樣都好好食嘅，就係燒肉！經常同幾個街坊夾份買一大盒！外皮十分鬆脆，燒肉半肥瘦，肥膏和肉的比例剛剛好！知道呢間燒味係自設爐房，自己人手親自每日燒嘅，保持水準，又保証食材新鮮，如果校正時間去買，剛出爐嘅燒味簡直冇得彈！一定係長沙灣平、靚、正之選！❤️

今天幫襯大龍，他都幾好傾，他說所有燒味都是自己入材料，自己制造，看起來很認真。其實他的燒味確實不錯，我試了好幾次，最愛是他制的脆皮燒肉肥瘦適中，他的燒腓骨很香很正，白切雞也很滑，還有他的例湯也很足料，價錢算合理，另外他的店也比較清潔，我也試過在這店坐下來吃，真是有驚喜，他預備了例湯，一煲湯竟然有半煲是料，還放了乳鴿做湯料，真是甜到不得了，不過位置有限，只可兩三人坐下食下傾下，整體值得向大家推荐一下！