明珠閣 (已結業)

去完亲戚处拜年，刚好晚饭时间，听D friend 讲明珠阁的叉烧好食，一于择日不如撞日，试下味先。点咗四个𩠌、一笼点心，上菜时间算几快，期间待应不断为我地加茶，服务算到位。蜜汁叉烧皇(例)  98元店铺主打菜，叉烧真系几好味，麻雀牌甘上下大既叉烧、大大旧切开有八、九件。烧得微焦既外皮外脆、肉质淋淋地，蜜味且多汁；连八十几岁既婆婆都赵得到，好吃！水煮牛肉 88元牛肉唔韧，好咬口；配以芽菜、粉丝，一般在川菜店吃的会做得很辣，但佢个献汁唔算辣会啱多D广东人食，𩠌饭一流。怀旧金钱鸡 68元想起了儿童时，家住屋邨的烧腊店买十蚊有六只的年代了。金钱鸡并不是鸡，因为以前穷苦大众嫌鸡贵，食鸡要等大时大节。烧腊铺会用D剩余叉烧、鸡肝和肥猪肉夹埋整成金饯的样子。所以吃来一番滋味在心头。这里出品的金钱鸡，个人觉得件叉烧固然好喇、件烧鸡肝都唔错，但件肥猪肉有D肥肥腻腻，对于三高人仕和正在减肥的你我就唔推介了！面酱唐生菜 62元热辣辣够哂镬气既炒生菜，面酱献汁味道适中，炒得色泽翠绿、令人胃口大开。点心(双籽烧卖)38元呢个点心上得慢，等到D𩠌最后至上枱，可能即叫即蒸要时间喇！热腾腾蒸好的切肉烧卖猪肉肥瘦均匀、虾