仝堂茶聚

营业中

休息中

其实呢间店都系第一次去食，坐得舒服，野食都好食，8点去到人流量唔多，倾计几好，餐厅摆设都几讲究，下次会再食多次，茶芥九蚊一位，唔需要点饮品，服务员又有礼貌。<<乳鸽>> 46hkd乳鸽烤得金黄， 外皮酥脆， 咬落口感有啲似烧乳猪 ，适合1至2人份量， 几好食，唔会太咸。 平时街市都卖紧50 / 60蚊一只，抵食<< 叉烧 >> 79hkd叉烧外边嘅蜜汁，黏性非常高 ，食落有啲似麦芽糖质地 ，叉烧既肉质汁丰富， 价格同街市差唔多，但系坚正，半肥半瘦，一定要有白饭配搭埋去食，最好三人份量share。 <<黄金蟹炒银针粉>>369hkd银针粉冇添加任何调味料，主要靠盐焗黄金蟹去调味， 黄金蟹好大只，炸得干身， 蟹嘅外周有好多蟹膏， 餐厅上枱嘅时候会畀埋手套我地，方便可以用手食，另外，蟹钳好大，餐厅亦提供作开蟹钳工具比我地去用， 食得蟹，就预咗要花时间，最后食咗半个钟先食晒。<<白饭>> 18hkd白饭都几大碗，一个女仔食应该食唔晒。加一后，一人二百几。