仝堂茶聚

营业中

休息中

所謂經理服務態度好差，排緊隊還聽到她邊在鬧工作人員，當然工作人員態也不是好，等了好久總之態度就是愛理不愛咁喇，可能多人排隊唔憂冇客喇。怪不得香港好多人寧願返大陸消費。

其實食物ok, 環境同裝修都好，但全個用餐過程就令到你好唔舒服。首先要排隊等入座，冇得拎飛，所以老人家需要企，而門口只有一張凳比排隊嘅人坐。第二，其實店內有很多枱未執，亦有枱已經執好，但侍應唔知點解唔安排客人入座。第三，落單係用點心紙，由侍應幫你再入單，但係我所點嘅點心落漏單，要問侍應出單先知漏咗。另外我覺得部份食物偏鹹⋯⋯總括而言，服務唔夠好，就算食物可以，都會令客人唔想再幫襯！！希望餐廳會有所改善。

好耐冇去九龍塘又一城食嘢，睇完open rice 食評推介，決定試下呢一間中式點心食肆。平日中午時段到達，因要等3-4張枱，唔想企住等太耐，決定行陣先⋯13:30再排隊，大概10分鐘已安排坐6人大枱-卡枱（但我只有3人😂）。裝修美觀舒適，但坐椅太軟太扁，坐到成個人好似凹咗落去咁⋯好唔舒服！茶只供應紅茶、綠茶，味道幾好⋯對茶冇要求。食咗8個點心，不斷食，最後先記得影炸芋角。水晶蝦餃：皮夠薄，蝦咬落爽口新鮮，好食👍🏻。叉燒包：醬汁及餡料平均，味道適中，好味。蒸鳳爪：少少辣好惹味，稍為鹹啲啲，都係好食嘅！鮮竹牛肉球：本人冇食，2位朋友都讚好食。潮洲蒸粉果：皮薄、餡料平均及蒸熟後粉果內仍保持到少許醬汁，好食。雞扎：平日只選擇食魚肚，今次食晒成件，材料新鮮。雞肉幾入味，但本人味覺上喜歡清淡，感覺略為鹹啲啲；其他朋友覺得雞肉味道適中。蜂巢芋角：點餐時無為意係咪有分鳥巢芋角（有鵪鶉蛋在面）/蜂巢芋角😅⋯點心上枱時係蜂巢芋角。好多人都講過現在好食嘅炸芋角難求！4年後嘅今日⋯好期待！細細口第一啖，再大大啖⋯身邊朋友都追問味道如何，整件食晒後係失望嘅！零芋頭味，外脆但內有少許實，唔知點解🤔️⋯⋯魚翅餃：平時

點心與平時茶樓的不同，有比較特別的，份量也是正常。星期六12點等位大約等了30分中吧，服務也不錯。超級推介有個龍蝦湯配米餅，湯濃餅脆，沾湯吃是一流的，還有那個叉燒包也外脆內熱，超好食！

之前有一日收工嘅時候因為天氣唔好，所以揸車嚟咗又一城呢間嘢去飲茶。嗰日係星期六，但即使去到晏晝1:30都仍然需要排隊，大概排咗半個鐘頭方可入坐。一睇餐牌就發覺有好多好多嘅經典點心可以選擇，最後就嗌咗好多唔同嘅點心，包括大蝦餃、乳鴿、炸兩、潮州粉果、無骨鳳爪、錦鹵雲吞、蟹肉伊麵、辣酒煮花螺、咖喱魷魚、鮑魚燒賣。除咗辣酒煮花螺味道稍遜之外，其他的味道都相當唔錯。後來發覺好似嗌得太多，三個人都係僅僅食得晒。最後三個人埋單係超過$1000 ，我未試過飲茶飲到咁貴，但係我覺得都幾滿意。

星期五約中午飯市時間到場，已經5-6組客人排隊，等咗大約15分鐘入得。員工服務態度親切，前後加咗兩次單，仍然非常有禮貌，值得一讚👍🏻食物質素方面，其實同一般屋邨中式酒樓差唔多，冇乜驚喜位，亦都冇乜驚嚇位😅但相對地價錢較高， 食環境、食服務、食感覺，位於又一城可以過關。如果純為食物質素而來，同等價錢中式粵菜餐廳類別，絕對可有其他選擇。環境感覺方面，係可以畀人坐低吹水、嘆茶、一盅兩件嘅一個好地方，坐得舒服。

推介指數 Recommendation Level : 🔥🔥🔥🔥香港酒樓食肆非常多，做點心的餐廳亦不少，所以要突圍而出亦不容易。這間點心店坐落於商場內，門外經常有一條長長的人龍。原來是提供傳統廣東特色點心，此外還有一些新派的點心設計，由於選擇比較多，而且點心的造型亦非常精緻，可以吸引不少客人光顧。Hong Kong's dining scene boasts a plethora of restaurants, including a significant number specializing in dim sum. Standing out amidst the competition in this crowded market can be challenging. This dim sum eatery, situated within a mall, often garners long queues outside its doors. Known for its traditional Cantonese dim sum offerings, the restaura

仲有幾日母親節，趁今日放假，決定提早慶祝！一行六人，叫左幾個餸，柚子蜜糖蝦球好食😋酸酸甜甜，十分開胃😍😍😍其他餸菜都幾好味，家人都大讚👍👍👍落單果陣叫左半隻燒鵝，話要燒45分鐘，因為係即叫即燒😀等左好耐，都食到飽哂，燒鵝終於來到😀燒鵝皮好脆，呢個很可以！只係等得耐左少少🤏

因為朋友介紹,半年前得知又一城有呢間中菜餐廳，時隔左差唔半年再來一次都無令我失望今次係第二次去到，可能星期五關係，去到勁多人排隊，眼見都有10 幾人排緊隊，但因為好想食，所以選擇繼續留低等啦，排咗約半個鐘就入到去，兩個人叫咗四餸一湯😂😂奶黃小豬包樣子可愛，味道都不錯，必食另外印象最深刻係個經理姐姐,短髮姐姐,佢超好人,見我地叫到成張枱都係野食啦 就主動過黎幫我地 拍好兩張枱比我地 幫我地執好晒 態度超好 ,唔黑口,服務真心正

呢間現代感十足嘅中式餐廳仝堂茶敘給我留下超深刻的印象！不僅菜色好食，服務係一級棒。一入去就感受到熱情友善氛圍，店長立刻迎接我們，馬上安排座位。佢地態度專業又帶住微笑，令我地感覺賓致如歸。店員對菜單非常熟悉，有耐心咁回答我地問題介俾左超好建議。佢地細心咁照顧每個客人，飲料和菜餚送上來速度都啱啱好。而且，佢地服務細節到位。枱上餐具一直保持乾淨，杯杯常滿水，佢地適當時機俾餐巾紙和湯匙。呢啲小小細節令整個用餐體驗好完美。最特別係，佢地態度好好。不僅店員對客人有禮，而且佢地願意聽客人意見同需求。佢地積極處理客人問題，確保每個客人都十分滿意。總而言之，呢間仝堂茶敘喺服務方面好出色。我絕對會毫不猶豫咁推薦俾我frd同屋企人，同等唔切想再次光臨！

特級黑豚叉燒 ＄169陳皮馬蹄牛崧腸粉＄53迷你鵝肝潤腸飯＄59鮑魚燒賣 ＄83千層咖啡糕$39由於我媽咪好鐘意食叉燒，所以一定要黎試吓仝堂茶聚，職員服務都好好念媽咪覺得仝堂既叉燒係目前為止食過最好食叉燒除左肥瘦適中 D叉燒仲好稔，接近入口即溶，佢既口味比較清，唔會太鹹太濃味，所以食多幾嚿都唔會膩念另外陳皮馬蹄牛崧腸粉都好好食，同埋迷你鵝肝潤腸飯，潤腸方面聽講佢地師傅精心自製出來口感真的比起好多地方非常濃厚好味道，其他點心都唔錯，我諗鐘意食粵菜既朋友都知道仝堂茶聚，可以食到高質既點心同粵菜

對上一次黎已經係2年前，今天經過就決定入去品嚐下，今天平日的夜晚去。人流比較少，坐下就奉上熱茶，我記得以前晚上沒有點心的，現在夜晚加了少量點心，所以我點了一份蝦餃，bb乳鴿及一個龍蝦湯銀針粉。每款食物依然有水準，蝦餃皮薄蝦肉彈牙 ，乳鴿外脆內嫩。龍蝦湯鮮味十足。值得一讚😍下次再黎又一城都要再光顧

無意間，打開OpenRice、見到上面兩條食評，替工作人員唔抵。點解我會何出此言？因為星期六我約佐幾個朋友團拜聚餐，我正正就係現場。親耳所聽親目所見！呢檯客，簡直就係獅子大開口，勒索工作人員。就算員工工作疏忽，漏單！都可以理解，因為見到佢哋實在是太忙，唔夠人手。女經理已經講佐四五次對捂住，話請隻雞俾呢檯客，打個折扣俾佢哋。仲叫埋其他夥計過黎道歉。個男人仲咄咄逼人，話我俾唔起錢啊？一句對捂住大曬啊？仲要女經理賠一隻燒鵝俾佢。燒鵝本身都係售罄了，你仲要為難。白髮男人先會出黎幫手講兩句公道說話。所以，有D顧客請你自重。雖然係服務行業，顧客係上帝。但你呢D人唔配俾人尊重。亦唔配有好服務。

首次光顧此餐廳，等候了接近一小時，終於入座了。但完全沒有人招呼，茶都冇問，已安排綠茶在枱面。疑似女主管，態度差劣。在沒有服務下，只好自己捧水出去倒，但又被阻止，要求捧回座位，而不是立刻給桶，把廢水倒掉。茶不熱，水不熱，食物也很快涼。唔知係咪疑似女主管聽到我們討論此餐廳的服務不好，沒有問客人要咩茶就擺左綠茶喺枱面。奇怪地在沒有交流下，在進餐途中，疑似女主管經過，掉下一壺紅茶，什麼都沒說。後尾佢在旁邊提點同事時，又故意單單打打，莫名其妙。真的可一不可再 / 不可一不可再

仝堂是我地食過服務最差的一間店！都不知道現今社會都還有古惑仔存在的！此店鋪裡面有一個白頭髮老翁自稱是這間店鋪的負責人！店鋪人員犯錯不但不道歉一直很我地吵架，並且還要以報警來威脅顧客。試問這種店還有人會敢來嗎？事情緣由：我地排隊攞位的時候跟此店鋪的工作人員預留了乳鴿。但入座後從開始進餐開始催緊四五次都冇人覆我地！此時以經過一個小時的時間！打后來了一個女負責人覆我地乳鴿已賣完並表示歉意。我們講了事情經過後突然出現一個白頭髮老翁自稱是負責人，出來後就同我地講同事已經道歉你們還要怎樣？然後就開始同我地一直吵架爭論已經賣完了道歉了你們能怎麼樣？上次用餐在食物中吃出髒東西都已經冇計較了！今次又出現這樣的事情！簡直是一點可取之處都冇了！我地買左此店鋪的很多餐券才會來第二次又被坑！大家也考慮要不要來此店鋪用餐了！