甘饕 (已結業)

今日响铜锣湾见到有间新开嘅餐厅系食烧味的，就入去试下。睇见menu知道烧鹅系呢度既招牌菜，所以就叫咗一个例牌烧鹅。另外在店员嘅介绍下知道叉烧都有分三款，分别系:第一款大少叉烧，用梅头猪肉，有秘制洋葱汁。第二款系肥㶶叉烧，用五花腩肉。第三款系蜜汁叉烧，用瘦猪肉。而我最后拣咗蜜汁叉烧。 叉烧肥瘦分布平均而且最重要系上面铺满阵阵蜜汁，肉质柔软，食到停唔到口。而烧鹅就非常惹味，表面烧得好平均好香脆，鹅肉就好幼嫩，点埋特制嘅酱汁食一流。 另外两碗老火例汤，饮得出炖咗好耐又好入味。下次去铜锣湾想食烧味我都一定会再嚟甘饕。