影片
更多
2015-02-08
1145 浏览
本来约咗几个旧同事到大围嘅枫林小馆食晚饭，去到至知停电，唔知搞几时先有番电，通知都无一声，扫兴之余，搞到大家一齐摸门钉。匆匆转场，好彩其中一个朋友都熟大围，即时改去后街嘅「粤轩」，幸而时间尚早，唔使等位。粤轩卖嘅属于传统粤菜，但装修格局较摩登，却又无话喺咩豪装，算喺平实嘅中菜小馆。不过，较特别喺套餐具，无论杯、碗、碟都印上一啲唐诗，就好似碟上嘅几句，取自诗仙李白嘅「将进酒」内几句：人生得意须尽欢、莫使金樽空对月、烹羊宰牛且为乐，但感觉喺抽得随意，亦唔连贯，至少，都加埋「天生我材必有用，千金散尽还复来。」啦！咸脆腰果 $10餐前小食，咸香脆口，总好过一啲青豆花生。而茶芥收$12位，另收加一就喺指定动作。正餐牌以外，有一个「厨师推介」，我们点咗豉椒炒蛏子皇及胡椒猪肚鸡，以及是日炖汤西洋菜炖猪肺。另外，从正餐牌拣嚟陈皮煎藕饼及蚝皇鲍鱼菇扒时蔬，我哋1男3女，非大食之人，所以，都够食咯。西洋菜炖猪肺 $118是日炖汤，每晚限量发售，卖完就无。睇见汤渣就知几真材实料，一大盅可以分到7碗，入口清润，无猪臊味，怪不得都见几多人叫。豉椒炒蛏子皇 $48 / 只虽然我哋叫咗4只，一人一只，不过每只炒完得
粤轩卖嘅属于传统粤菜，但装修格局较摩登，却又无话喺咩豪装，算喺平实嘅中菜小馆。
不过，较特别喺套餐具，无论杯、碗、碟都印上一啲唐诗，就好似碟上嘅几句，取自诗仙李白嘅「将进酒」内几句：人生得意须尽欢、莫使金樽空对月、烹羊宰牛且为乐，但感觉喺抽得随意，亦唔连贯，至少，都加埋「天生我材必有用，千金散尽还复来。」啦！
咸脆腰果 $10餐前小食，咸香脆口，总好过一啲青豆花生。而茶芥收$12位，另收加一就喺指定动作。
正餐牌以外，有一个「厨师推介」，我们点咗豉椒炒蛏子皇及胡椒猪肚鸡，以及是日炖汤西洋菜炖猪肺。另外，从正餐牌拣嚟陈皮煎藕饼及蚝皇鲍鱼菇扒时蔬，我哋1男3女，非大食之人，所以，都够食咯。
西洋菜炖猪肺 $118是日炖汤，每晚限量发售，卖完就无。睇见汤渣就知几真材实料，一大盅可以分到7碗，入口清润，无猪臊味，怪不得都见几多人叫。
西洋菜炖猪肺
$118
67 浏览
2 赞好
0 留言
豉椒炒蛏子皇 $48 / 只虽然我哋叫咗4只，一人一只，不过每只炒完得几炷肉，但啲蛏子皇算有水准，肉质爽口，味道鲜甜，以豉椒炒，加添几分惹味。
豉椒炒蛏子皇
$192
65 浏览
2 赞好
0 留言
陈皮煎藕饼 $68一客有6件藕饼，藕饼搓得几松化，煎得几香，如果能将藕饼搓得扁平薄身啲，相信整件嘅口感仲香脆；另外，陈皮味似乎就无期望中咁强，好淡淡咁渗出。
陈皮煎藕饼
$68
72 浏览
2 赞好
0 留言
蚝皇鲍鱼菇扒时蔬 $68一般称为时蔬嘅菜式，都无得拣咩菜，都喺由店方定，但晌粤轩，时蔬当日可拣西兰花、生菜或芥兰。芥兰炒得仍带爽脆，而鲍鱼菇果真有几分鲍鱼嘅口感，蚝汁浓郁鲜味。
蚝皇鲍鱼菇扒时蔬
$68
72 浏览
3 赞好
0 留言
虽同样贵为厨师推介，但觉得普通啲，鸡肉唔滑，胡椒味弱。除鸡件底下垫住唔少猪肚外，仲有唔少咸酸菜及粉肠。
胡椒猪肚鸡
$138
98 浏览
4 赞好
0 留言
最后奉送生果，鲜橙几件，即喺表示麻烦结帐。整体招呼唔错，滔汤、收碟都做足，虽然出面人多等位，但都无话催交枱，我哋都醒目好合作，反正都预咗出去再食甜品。不知不觉，一份工作嘅偶遇，彼此原来相识十多载，可谓友情一线牵。
张贴
