影片
更多
2016-11-15
445 浏览
年中同多年死党Dee Sir大尝韩式炸鸡，倾偈讲吓麻甩佬嘢，之后话过有时间再约约，因为工作关系佢成日飞，约佢唔易架，今晚佢就俾到个期小弟，仲拉埋佢嫂夫人聚一聚。选址晌尖沙咀商厦楼上铺嘅Amitie Kitchen，皆因睇到相熟食友嘅食评，介绍店主兼主厨喺晌本地著名5星酒店出身，应该有一定嘅实力，就探秘一下这小店水准如何。一出电梯就已经喺餐厅门口，入到去地方比想像中大，但属小店格局，装修简约平实，晌柔和嘅灯光下，整体用餐环境都予人轻松自在。餐厅尾仲有两个贵宾房，亦可以打通，每个大约可容纳8-10人，人多又想私隐多啲，订房就最好不过，但设最低消费$2,000（每个计），其实定得唔高，即平均每人消费二、三百左右就够数。除散点之外，仲有一系列套餐：三道菜嘅精选晚市套餐、二人套餐、四道菜嘅特色套餐、六道菜嘅风味套餐，平贵都有，可谓丰俭由人。套餐故之然划算啲，但份量十足，所以，人多就建议套餐加散点，划算得嚟有多份弹性！此外，墙上黑板亦写有多款推介菜式，如太多选择唔知拣咩好，就不妨晌推介中谂谂。而且，想特别少少，订枱时原来仲可以同店方讲声，等主厨为你特别设计菜式，甚有私房菜嘅感觉。另外，有个甜品及饮
一出电梯就已经喺餐厅门口，入到去地方比想像中大，但属小店格局，装修简约平实，晌柔和嘅灯光下，整体用餐环境都予人轻松自在。
餐厅尾仲有两个贵宾房，亦可以打通，每个大约可容纳8-10人，人多又想私隐多啲，订房就最好不过，但设最低消费$2,000（每个计），其实定得唔高，即平均每人消费二、三百左右就够数。
除散点之外，仲有一系列套餐：三道菜嘅精选晚市套餐、二人套餐、四道菜嘅特色套餐、六道菜嘅风味套餐，平贵都有，可谓丰俭由人。套餐故之然划算啲，但份量十足，所以，人多就建议套餐加散点，划算得嚟有多份弹性！
此外，墙上黑板亦写有多款推介菜式，如太多选择唔知拣咩好，就不妨晌推介中谂谂。而且，想特别少少，订枱时原来仲可以同店方讲声，等主厨为你特别设计菜式，甚有私房菜嘅感觉。
另外，有个甜品及饮品餐牌，以一家小店嚟讲，真喺无谂过佢哋会提供咁多款甜品。好酒之人亦有选择，因为餐厅都有提供多款餐酒。
特色面包拼盘单喺个面包碟，已睇得出店家嘅心思，一共有4款自家制嘅面包：墨鱼汁包、香草脆条、原味法包及无花果法包，以人头计，各有3片，保证人人都有得试。
特色面包拼盘
10 浏览
0 赞好
0 留言
法国蓝青口伴香草白酒忌廉汁配蒜蓉多士（套餐）早前晌一家比利时餐所食到嘅青口，质高味美，印象难忘，今晚晌度所尝嘅法国蓝青口，同样有水准。虽然啲青口肉地唔算厚，但胜在鲜甜，而且份量多到似主菜多过一道前菜；个香草白酒忌廉汁做得好香滑，既有香草味，又有微微白酒香，内里混入好多配料，味道有层次，所以，再加落片蒜蓉多士度一齐食，超正；因为个汁底都几多，故就可以用埋之前啲「餐包」蘸嚟食，唔好嘥。
法国蓝青口伴香草白酒忌廉汁配蒜蓉多士
3 浏览
0 赞好
0 留言
蟹肉牛油果沙律伴蕃茄油醋汁（套餐）食完个较浓味嘅蓝青口，再落嚟嘅沙律，正好清新一下大家嘅味蕾。依道沙律唔花巧，但绝对喺以新鲜取胜，沙律菜好爽脆，蟹肉一啲无手紧，唯独是牛油果我就觉得未够熟透。底下再垫有蕃茄同青瓜，配上油醋及少少芒果酱，食完令人更开胃。
龙虾忌廉汤（套餐）时下唔少餐厅都有做龙虾汤，一般敢做依款汤嘅餐厅都会做得唔差，虽然，个汤无早前晌湾仔Blue Brick Bistro咁有排场，又有大大件波士顿龙虾肉，但个汤底一啲唔失礼。入口虾味都好浓郁，口感顺滑，汤内有少少虾肉碎，老友就话有少少涩味，我就唔喺太觉得。
南瓜蕃茄汤忌廉汤（套餐）喺是日餐汤嘅款式，虽然，套餐喺指定嘅龙虾忌廉汤，但如果你唔介绍，又想试吓其他汤，佢哋都可以俾你转为是日餐汤。质感滑溜，完全无粗糙感，南瓜嘅甜味好出，但隐约带有少少蕃茄嘅酸香，唔重，喺点到即止嘅感觉。
蟹肉牛油果青瓜冻汤 $58依个喺店长推介俾我哋试吓，话颇有特色，再者，甚少饮冻汤，故贪新鲜好有兴趣一试。汤碟中已放有唔少蟹肉及青瓜粒，自己将汤倒入碟内，目的喺叫人睇出蟹肉喺货真价实，而旁边小茶壶内青绿色嘅就喺冻汤。蟹肉好有鲜味，个汤饮落好轻盈清新，予人好爽快嘅感觉，不过，个人觉得颇为偏向青瓜味，牛油果味太隐约，感觉未够平衡。
烤烧加拿大猪鞍扒伴芥末莎莎（套餐）近期都跟猪鞍扒几有缘，无耐之前先品尝过，小弟亦几钟意依一款食材。睇件扒嘅呎吋、厚薄，就知斤两十足，如果睇番散点餐牌，喺10oz份量，单价卖$248，所以，个套餐非常抵食。
烤烧加拿大猪鞍扒伴芥末莎莎
9 浏览
0 赞好
0 留言
蕃茄慢烩澳洲谷饲牛面肉（套餐）喺墙上黑板嘅推介菜式，相信有一定嘅质素先敢摆出嚟作为推仲，单卖都要$218架。卖相虽然只喺一般烩肉嘅菜式，唔多花巧嘢，但精彩之处喺佢「内在美」吖嘛！牛面肉入口有「即化」嘅口感，即喺啲肉质慢烩到软腍、松软，而且好有肉香，就算啲蕃茄蓉好浓香酸活，亦无冚过啲肉味。垫底仲有啲薯蓉，口感非常幼滑，嗒落就知加入咗黑松露酱，立时变得唔普通，叫人睇得出做菜嘅认真同花心思。
蕃茄慢烩澳洲谷饲牛面肉
7 浏览
0 赞好
0 留言
黑松露白汁烟肉蘑菇炒年糕 $108两道西式主菜做得有一手，但带韩式嘅炒年糕会唔会甩辘呢？个炒年糕采用咗西式卡邦尼嘅做法，加入白汁、烟肉、蘑菇去炒，再升级添加咗黑松露，而最神髓喺加埋只生蛋，依家出去食卡邦尼意粉，好多时蛋都悭番费事加架。捞匀后，个汁底集香滑惹味于一身，年糕炒得烟韧有咬口，粒粒都挂满汁，真喺好正兼好饱肚。
黑松露白汁烟肉蘑菇炒年糕
$108
17 浏览
0 赞好
0 留言
鲜奶咖啡（套餐）+$15甜点时段，个人喜好都喺要衬番杯鲜奶咖啡，个茶杯造型非常得意，不过，就有姿势，却唔太实际，因为奶泡撞落咖啡出嚟嘅口感唔均匀，似意大利泡沫咖啡多啲，还好咖啡味道不俗。
洋甘菊（套餐）+$15友人就喜欢洋茶配甜点，洋甘菊有多种功效，女生就当然最睇重佢可以抗老化、润泽肌肤啦。跟咖啡一样，所用嘅茶杯亦好精致，而最窝心喺附上嘅喺蜜糖，唔喺普通糖水。
苹果金宝（套餐）即焗出炉嘅嘢食永远喺香喷喷，载住苹果金宝嘅餐配热到辣手，就知喺新鲜即焗出品。面层嘅金宝粒非常之香，松脆而充满牛油香味。而金宝底下嘅苹果粒，较一般切得幼细，煮得软绵，带幽香嘅玉桂味，好食。
苹果金宝
21 浏览
0 赞好
0 留言
椰皇二重奏（套餐）估唔到套餐内嘅厨师推介甜品喺椰皇二重奏（散点定价要$80），即喺椰皇奶冻（下）夹椰皇沙冰（上），奶冻好有椰青嘅清甜味，专登做得更滑身，可以啜嚟食；不过，上层嘅沙冰就差啲，虽然好有椰香，但打得有啲粗糙，未够绵，食落有少少碎冰粒，喺美中不足之处！
除咗份量十足，味道的确有一定水准，服务亦好到位，添水、换碟都做到足，侍应都好有礼貌。无预到佢哋啲头盘咁大份量，其实，真喺唔要个炒年糕都够晒我哋3个人食！无刻意问店员间餐厅名点解，事后自行上网查查，原来喺法文「amitié」，意思喺友情，当然，唔知店主改名喺唔喺带有依个意思，但同相识足有30载嘅老友嚟聚一聚，感觉好有意思。
张贴
