味十味 (已結業)

又系一间楼上日式 fusion。fusion 唔等于虚 &/or 伪，用餐当晚有好几台日本客人，餐厅内亦有日籍和日语流利的香港服务员。前菜，$20 / head，类似中式酒楼嘅芥酱，服务员奉茶时会端上。我哋三条女，点咗：串烧拼盘（$143）、猪肋骨蒜蓉饭（$138）、海苔豆腐沙律（$112）、铁板牛舌（$138）、Crème Brûlée X 2（$46 X 2）、卷蛋蛋糕（$46）、梅酒 X 1（$28）、柚子橙苏打 X 1（$42）、ginger ale X 1（$30）。埋单共 $911.9。话自己钟意食白饭好似太古典太刻苦耐劳，如果有未来奶奶佢一定好欢喜，但呢餐的确最钟意猪肋骨蒜蓉饭里面嘅蒜蓉饭。好香，饭粒软硬适中，好入味。好想买咗佢哋个电饭煲！其他嘢食都几好，但唔会 wow 一声。驰名大阪和风猪肉丸几好味，烧洋葱都好味。铁板牛舌唔够香。海苔豆腐沙律几新鲜，对比其他菜式份量算非常多，3条女食刚刚好。最失色其实系甜品，留返 quota 食下其他甜品或者都系 good idea！最后，服务都几好。