影片
更多
2011-10-31
77 浏览
其实Mist一开张已经听闻过佢地o既拉面要成百几蚊一碗，心觉实在太贵，故此一值未肯去帮衬。见拉面风继续吹得咁行，表弟又揾紧人陪佢去试食，所以就决定比个机会佢！Mist晚市开六点，最怕排队等位o既ＸＯ一早订好左张六点钟枱。收工出发，早到左十分钟，谂住佢未开门啦，点知餐厅入面有人，所以就走左入去。有位中年西装男话要六点正先开门，叫我喺出面等，心谂都好合情合理；出到去发现原来真系有个几隐蔽o既「准备中」牌。一边玩手机一边等，好快就过左二十分钟，见冇人叫我，又过左开舖时间成十分钟，所以又再探个头入去啦... 哈，点知佢话六点正已经开左门！𠮶刻感想系：你叫我喺出面等，开左门又唔通知声，要我喺条室外气温超过三十度o既街上食多十分钟尘，系咪有点儿那个呢？！乜依Ｄ就系 "FINE DINING" 应有o既服务态度呀？！为免影响食欲，当时只好急忙提升ＥＱ，尽快冷静落黎，希望食饭时有所改善啦！正门o既落地玻璃同趟门加鐡框，顺眼简单时尚。不过趟门式设计有个问题，就系会走冷气；如果热天多人出出入入，餐厅又满座，趟门旁𠮶张枱o既客人会好遭殃。另外一个问题系餐厅内某个冷气位狂滴水，哥哥仔要成晚用枝长竹喺度抹，唔知
Mist晚市开六点，最怕排队等位o既ＸＯ一早订好左张六点钟枱。收工出发，早到左十分钟，谂住佢未开门啦，点知餐厅入面有人，所以就走左入去。有位中年西装男话要六点正先开门，叫我喺出面等，心谂都好合情合理；出到去发现原来真系有个几隐蔽o既「准备中」牌。
一边玩手机一边等，好快就过左二十分钟，见冇人叫我，又过左开舖时间成十分钟，所以又再探个头入去啦... 哈，点知佢话六点正已经开左门！𠮶刻感想系：你叫我喺出面等，开左门又唔通知声，要我喺条室外气温超过三十度o既街上食多十分钟尘，系咪有点儿那个呢？！乜依Ｄ就系 "FINE DINING" 应有o既服务态度呀？！为免影响食欲，当时只好急忙提升ＥＱ，尽快冷静落黎，希望食饭时有所改善啦！正门o既落地玻璃同趟门加鐡框，顺眼简单时尚。不过趟门式设计有个问题，就系会走冷气；如果热天多人出出入入，餐厅又满座，趟门旁𠮶张枱o既客人会好遭殃。另外一个问题系餐厅内某个冷气位狂滴水，哥哥仔要成晚用枝长竹喺度抹，唔知同个趟门有冇关系呢？理由系乜都好啦，餐厅啱啱开门就已经有依个问题，入面o既开放式厨房就算打理得几整整有条，感觉卫生都唔会达标。讲返正面Ｄ o既野先，店内o既皮櫈大大张，好睇好坐好舒服。木枱个拉柜内藏有整齐o既餐具，食材来源及餐厅历史等资料，悭位得黎几有意思。
如下图所示，个匙羮底部有个架位，方便客人张佢平稳地放喺枱上面，好得意，可惜问题有三：1) 张枱冇枱布，匙羮放喺枱面系咪真系咁卫生呢？
2) 如果客人每饮完一口汤都放返匙羮喺枱面，成张枱咪会湿哂啰？
3) 如果餐厅冇预计客人会放匙羮喺枱，为何要喺羮底加个架位呢？莫非只系为左放喺个拉柜入面？！
当日见天口咁㷫，又唔知表弟会迟几多，所以就先叫左樽食评们极力推介o既自家制啤酒饮，解下喝。Chabuya Mist White Ale （$55）：啤酒连杯都够哂涷，非常之凉快！味道好清新，light得好似饮紧汽水咁，可以话系另类饮法，应该好受女士们欢迎。
蕃茄 + Crouton Hors D'œuvre (免费)：匙羮同碟o既外型比食物本身更有睇头！蕃茄味道正常，腍左o既crouton就唔系好得啦。
Avocado & Fish Tartare 鱼生牛油果「他他」（$90）：卖相唔多吸引，貌似饭堂「笔」出黎𠮶Ｄ生果沙律咁。一入口就觉得个酱太杰，加埋牛油果整体变得好溜，而且桨住个口，错配到极！不过最大o既问题系个酱同牛油果抢哂个味，完全食唔出主菜之一鱼生o既任何味道；唔讲真系唔知入面有鱼呀！依个所谓之 Fine Dining o既菜式似乎好失礼bor！
Shio Ramen with Boiled Egg 盐味拉面 + 半熟蛋（$110 + $20 ）：汤面o既一层油唔系太吸引，心理上好似食得唔系好健康。讲真，个汤底同我喺日本超市买𠮶Ｄ盐味公仔面味道差唔多；不过公平Ｄ讲句，总算好衬托名中o既「盐味」！五花叉烧片虽则够腍，不过切得都系厚左ＤＤ，所以重系觉得嚡，宁愿佢比多两块切薄少少o既；依方面又要赞一赞「豚王」做得比较优胜。拉面唔够弹牙，又唔可以令人张面条一口啜上黎做出「雪雪」声既效果，ＸＯ继续摇头。只半熟蛋虽然滑溜，但系好明显系后加o既，因为蛋白蛋黄都唔够热。唉，要成百几蚊碗，不特只唔低，个面简直好失败bor！
表弟叫左个Dinner Set，$ 428， 限量供应：Amuse Bouche之Hokkaido Scallop Tartare Topped with Caviar + One Spoon Rahmen with Sea Urchin Sauce
Crab Meat Salad with Potato Cream Sauce
Smoked Chicken Thigh with Black Pepper Onion Dressing：表弟话烟味唔浓，好食。
Your choice of Rahmen：份量少过我散叫𠮶碗。Chef Selected Dessert
我地走o既时候大概七点半，当时除左我同表弟，餐厅只系有另外两位客人，似乎冇谣传所讲咁旺场啰！总结：自称为Fine Dining o既MIST，似乎除左价钱够贵之外，其他服务，卫生，食物o既卖相，味道，质素都唔系好够级数，真系谂唔明佢点可以叫自己做Fine Dining！舖面o既工作人员一Ｄ都唔细心体贴，厨功亦不见得幼细精湛，所以就算有人请，小弟都会叫佢唔好咁破费，因为我系唔会再黎第二次！
张贴
