紅堂 (已結業)

同朋友去聚餐，谂住试试新嘢。成餐饭落来，无论食物出品同服务冇咩出错嘅地方，都谂住可以推荐俾朋友来食，直至到收尾埋单都冇去留意张单。因为点嘅嘢多，只检查张单嘅嘢上齐未，完全冇留意佢有冇打9折。只因周日至周四系OPENRICE点餐都有9折优惠，中途加人我都有打电话去确认系咪有9折，餐厅都确认话有。点知张单就冇打折，事后打去问，又逢台风，打都冇人听，等到打通咗，接听人态度极差，话「件事过咗去，当时你查单又冇查出来，你有责任提醒我地张单出错㗎嘛」。瞬间好感全冇，乜餐厅唔系有责任唔好出错单嘅咩？即使最后冇办法出翻条数，起码服务态度好啲，话好抱歉，系统冇办法改，我都感觉舒服啲，一上来就砲轰式推卸责任，以后都唔会帮衬！