王林記潮州魚蛋粉麵

营业中

休息中

东大街名物王林记，三十几年老字号，最出名系手打香葱鱼蛋，混合几种唔同嘅鱼，例如九棍，黑门鳝等，全鱼肉，唔落粉，每日因应渔获，气温，湿度而微调配方。咁正，当然要试下，不过我又衰贪心，于是就叫左碗香葱鱼蛋牛腩双拼面。香葱鱼蛋真系冇得输🤩，非常爽滑弹牙，鱼味亦好浓；牛腩又系够腍够入味，好食；幼面都有水准，够爽，冇咩碱水味。唯一觉得麻麻就系个汤底，感觉偏咸，食完要扯水。特别想赞下杯冻柠茶，茶底香浓，柠檬有多片，水准比想像中高，拍得住出名嘅茶记㖞。第二次嚟，试埋另一镇店之宝韭菜饺，好食系意料中事，估唔到碟捞粗都咁正，面质冇碱水味之余又非常弹牙，配埋自家制豉油汁，真心好食。最后惊喜嚟自蜜糖烤鸡翼，又甜又香脆，差啲想食埋隔离𠮶只🤤。