影片
更多
2015-11-09
369 浏览
其实琴晚食完宵夜，朝早都仲饱紧，但照样食早餐。今朝食左个三𩠌巨型三文治，依家都几饱下，又唔知食咩好，是但系楼下食碗车仔面算啰。对左姨姨同叔叔都六年几七年喇，一向都觉得佢地好有礼貌、招乎周到、服务殷勤，真系 Very Good 架 ﹗生菜鱼肉，揾匀几条街只得一间生菜鱼肉呢，胜在够近，执您一剂先。个汤底好淡口㖞，鸡粉开的吗？淡如水，味道好鬼单调而且好水汪汪，买返公司食所以无任何调味料系手呢，阴功 ﹗刚才只系落左少少胡椒粉同少少辣椒油乍。鱼肉毫无生气，死实既质地没有灵魂 ﹗无鲜味无甜味，一试无妨。牛肚牛柏叶贡丸鸳鸯多辣加腩汁，民康用既系香辣咖哩黎，所以就算要劲辣都只系一般程度。咖喱汁都几香架，有别于一般餐茶厅，好明显系自家调制，食得过的满意。牛肚，金钱肚黎架㖞，有料 ﹗爽弹而卤水味强。贡丸完全无菇味而且质感都几粗糙，满口都是面粉了 ﹗牛栢叶，怪怪的，真系唔多掂，完全系无味架㖞，质地几搞笑，爽口到索索声，但无味道，落左哥士的？幼面面质好正，烚到刚好咽咽韧韧有咬劲，拉面我都系要食超硬面架。河粉烚太耐，都未至于散开，免强合格啦。点可以同幼面一齐烚架？温度同时间都唔同。价钱真系劲平超值，跟发记车仔面
其实琴晚食完宵夜，朝早都仲饱紧，但照样食早餐。今朝食左个三𩠌巨型三文治，依家都几饱下，又唔知食咩好，是但系楼下食碗车仔面算啰。对左姨姨同叔叔都六年几七年喇，一向都觉得佢地好有礼貌、招乎周到、服务殷勤，真系 Very Good 架 ﹗
生菜鱼肉，揾匀几条街只得一间生菜鱼肉呢，胜在够近，执您一剂先。个汤底好淡口㖞，鸡粉开的吗？淡如水，味道好鬼单调而且好水汪汪，买返公司食所以无任何调味料系手呢，阴功 ﹗刚才只系落左少少胡椒粉同少少辣椒油乍。鱼肉毫无生气，死实既质地没有灵魂 ﹗无鲜味无甜味，一试无妨。
牛肚牛柏叶贡丸鸳鸯多辣加腩汁，民康用既系香辣咖哩黎，所以就算要劲辣都只系一般程度。咖喱汁都几香架，有别于一般餐茶厅，好明显系自家调制，食得过的满意。牛肚，金钱肚黎架㖞，有料 ﹗爽弹而卤水味强。贡丸完全无菇味而且质感都几粗糙，满口都是面粉了 ﹗牛栢叶，怪怪的，真系唔多掂，完全系无味架㖞，质地几搞笑，爽口到索索声，但无味道，落左哥士的？幼面面质好正，烚到刚好咽咽韧韧有咬劲，拉面我都系要食超硬面架。河粉烚太耐，都未至于散开，免强合格啦。点可以同幼面一齐烚架？温度同时间都唔同。价钱真系劲平超值，跟发记车仔面比较平好多，依碗都只系廿六蚊乍 ﹗就算我去灿记饮个菜汤都要三十五蚊呀 ﹗
猪红牛肚卤水鸡中翼鸳鸯多辣加腩汁，哗 ﹗只需廿十蚊乍，真系好抵食㖞，一定饱，仲要有质数添，难怪日日 lunch 排长龙啦 ﹗咖哩汁够香浓又属微辣，捞面捞河都好好味呢 ﹗要谂吓计点样可以再辣啲先得，下次试试少汤先。幼面够咽韧弹牙，大量咖哩汁挂系每丝面条上面，好索汁呢 ﹗正啊 ﹗但今日既河粉烚到过晒火，太过腍仲要有部份散晒添，要用羮食啰。猪红热辣辣又够嫩滑，牛肚依旧爽甜味美，鸡中鸡就大点浸得过腍过耐喇，质质松散带霉，而且有点偏咸呢。
牛肚水鱿肠仔鸳鸯多辣，民康既咖哩汁真系唔错，虽然微辣但好香噃，越捞越起劲 ﹗水鱿质感真系好有趣，天生的吗？非常爽脆又弹弹的，弹到我成件衫都系咖喱汁喇，唔会系我手震挂？虽然机乎没有任何味道，不过好采有自家咖哩汁搭救呢，变成咖哩鱿鱼。牛肚，依旧金钱肚，有质数，浓味爽弹高质数。肠仔并唔系大陆怪味肠已好满意，正常。鸳鸯面弹粉滑，仲想点？每一口都可以品尝到两种质感，真系超正 ﹗挂上香辣咖喱汁同吃，份外惹味开胃 ﹗
牛腩猪红鸡中翼鸳鸯多辣，又系牛腩碎、牛腩边、牛腩皮，又干又鞋唔好食架呢，虽然大部份车仔面档都系依只出品。食过无数间车仔面既牛腩，到目前为止只有西贡松记供应原件高质牛腩，并唔系碎湿湿牛腩碎啰。猪红外脆内嫩兼味浓，一咬爆浆，汁液缓缓流出，滋润每一颗味蕾。鸡中翼始终如一地浸到过晒火搞到肉质过腍、肉汁流失，而且太咸呢，卖相就一流喇。今次咖哩汁好够辣㖞，重手左非常冶味 ﹗用幼面搚持住河粉双双进入黑洞，热辣辣棉滑河粉索尽汤汁，咽韧幼面挂著汹涌咖哩汁，美味致极，再夹埋猪红齐齐食，此味只应天上有 ﹗好好食啊 ﹗
猪皮牛柏叶牛肚鸳鸯走葱多辣，甚少叫猪皮食，因为怕佢又硬又有油益味，不过今次见佢咁靓女，就试一试啦。咖哩猪皮好好味呢 ﹗非常爽口又够软棉，汤汁及咖哩已填满所有房间，成片啪入口一咬，十足灌汤既感觉。牛柏叶保持住佢搞笑既质感及零味道，咬都索索声够过瘾。牛肚，金钱肚绝对无得输啦，劲爽口又索味。但我觉得毛肚如果炆得够腍都唔输蚀，棉滑到不得了，重要吸汤能力超强，海棉一样。猪皮煮得够棉滑，可以用河粉面幼卷住佢一齐食呢 ﹗3 重享受，3 种味道同质感，好食都晕 ﹗不过都要粉面煮得好先得既。
白萝卜猪红鱼片莜面走葱多辣，我本来叫幼面，但婶婶煮左莜面比我，无所谓，一切随缘吧，还掂好耐无食过莜面喇。好咽韧好滑溜，食落有种好香口既味道，配上咖哩汁都唔错，但挂汤来就无幼面来得那么狠喇。白萝卜，清水烚，带酸而不甜，仲有少少渣呢。猪红一向都系稳阵之选，味浓而嫩滑 juciy，一咬爆汁。鱼片第一次试食，不过不失，有鱼味又无过咸，微弹合格。
红肠猪红牛肚鸳鸯走葱多辣，铁三角稳阵之选，红肠、猪红、牛肚边有得输呀，因为全部大路野啰，哈哈 ﹗玫瑰红肠外皮脆卜卜，棉棉肠肉咸香合格。金钱牛肚爽夹滑又入味，猪红大路嫩滑多汁，不腥不硬不鞋，好味！河粉拥抱著幼面结伴跳入肚里，咽韧软棉滑溜同一时间出现，多层次又特别，配埋香辣咖哩汁无可匹敌。
牛腩云吞鸳鸯多辣走葱，我唔敢喇，又系牛腩碎呢，发记同民康一样。猪肉云吞，皮滑肉味浓，一口的骰容易食。粉面烚得满意，软硬棉滑合体，多重口感复杂而有惊喜！咖哩香辣更添风味。真系劲平呀，廿几蚊边度揾呀，一定饱添！
水鱿牛肚鸡中翼鸳鸯多辣，鸡中翼太咸了，肉质又浸到霉晒，麻麻。水鱿好脆口得意，卜卜脆好过瘾，虽然无味，不过有咖哩无投诉啦。招牌金钱牛肚，爽夹滑，味浓重口味我喜欢，伴埋咖哩更香甜。面条包著河粉跣入口，棉滑中带点弹牙咽韧，口感奇趣而吸引而神秘！所以由细到大都好钟意食鸳鸯，情意结极深！
张贴
