The Mast’ of Mozzarella & Co. (已結業)

去旅行好钟意用「孤独的美食家」精神揾嘢食，而家冇得去，就喺铜锣湾发挥吓！路过一间餐厅，门口餐牌用意大利文行先，系咪又系𠮶啲扮鬼佬开嘅贵价餐厅呀？都即管试吓啦～入到去见到一个似老板嘅鬼佬，后来有个肥肥哋嘅鬼佬厨出过嚟揾老板 👍👍😃。我哋叫咗一碟鸡、薯仔团子同甜品。全部味道都好好，可惜个鸡过熟唔嫩滑，唔通食意大利嘢都应该食返大家最熟悉嘅嘢食好啲？🤔薯仔团子系我其中一个超钟意嘅菜色，软熟薯仔面团加上超浓臭芝士😍😍😍😍😍😍😍，完美！不过菜色并唔系写喺餐牌分类𠮶几页，餐牌有隐藏页！最后𠮶几页系厨师推介，记得睇啊！碟鸡嘅蕃茄酱非常惹味！橄榄令个酱更香，攞嚟当意粉酱都掂！如果个鸡煮得好啲就更好。甜品卖相平平无奇，但原来酒味好香，有惊喜。走嘅时候先发现原来佢哋有个超小型工场，我唔熟悉呢啲机器，估计系整芝士啩。希望再有机会试埋其他嘢食，而家食店难做，要撑住呀！＊𠮶日 lunch time 有几枱客，外国人为主。餐厅𠮶日冇套餐，冇下午茶餐，但反而两点几埋单时先多客。