CHOWTIME

营业中

休息中

估唔到马鞍山呢个美食沙漠，终于比我发掘左一间新嘅西餐厅，入面无论系环境或者服务质素都相当唔错，食物都相当值得一试，性价比颇高。西班牙黑毛猪扒真系非常出色，呢个真系有惊喜，黑毛猪非常厚身，剪得外皮香脆之余，仲可以锁紧肉质，配菜苹果香甜，芦笋同埋茄子煎得相当香，仲有炸好嘅薯角，金黄香脆，呢个份量足够两至三个人一齐share！如果嚟到呢间餐厅一定要点西班牙黑毛猪。另外我哋仲点咗墨鱼汁富虾意大利阔条面、珍宝杂锦薄饼，薄饼嘅饼底烘得非常香脆，入面有意大利火腿、辣肉肠、杂菌、洋葱、菠萝，非常足料，Pizza做得唔错！墨鱼汁阔条面面条好烟靭，充满墨鱼汁嘅海鲜味，钟意食海鲜嘅朋友就啱晒啦