漁釧 (將軍澳中心) (已結業)

食过几次都几好，所以今日再嚟食晚餐，叫咗三款串烧。嚟咗之后发现错咗一款，我哋系点芦笋豚肉串，佢就嚟咗个五花腩串，我哋就叫佢check单更换，职员话：「你哋系叫咗三款串烧㖞！」我话：「系呀！咁你嚟咗啲咩？」职员：「咪系猪肉啰！」我望著佢呆左五秒，然后职员如梦初醒，笑笑口道歉入返厨房跟进。仲有呀！大葱鸡肉串变成烧焦葱肉串，叫佢更换，点知佢攞入去刮走左烧焦既部分攞返出来比我，想点呀？！十分钟后芦笋豚肉串终于嚟咗，表面看来不错，食食吓有啲难咬，才发现有啲肉系未熟！仲系生嘅，顶！但已经食左两旧，一串有四旧，当下感觉好差，原本对佢印象都几好，但今日破坏晒！因为失望所以写食评！希望你哋会有改善！