十和田壽司 (香港科學園)

营业中

休息中

科学园而家开咗好几间餐厅，有次行开见到间日本野，lunch time好多人排队，就凑热闹排埋一份。同友人一人一个lunch set ，我叫咗个午市寿司套餐配汤，佢就叫咗汁煮猪软骨定食配汤及茶碗蒸。个猪软骨份量都几多，而且每旧肉都大大块，几抵食。茶碗蒸好滑溜，冬菇好惹味。个面豉汤好饮，唔会好咸，又足料。寿司套餐有十一件寿司，个炸虾卷超香脆，要趁热食。油甘鱼同三文鱼寿司都超肥美，又厚切。最钟意个寿司饭，啱啱好一口，唔会太大。个吞拿鱼蓉军舰好出色，唔霉。最惊喜系个虾寿司，上面个虾膏酱好浓郁，好好味！