PokéToké

营业中

休息中

今次到旺角美食集中地的广华街揾到间Poketoke，估唔到大雨天都坐满人。食物方面除咗有夏威夷盖饭之外仲有日式盖饭，今次呢就点左辣味三文鱼盖饭，和风牛肉饭。一次过满足冷热食两个愿望，佢哋嘅奶昔都相当唔错，位置亦相当便利。辣味波奇配料有辣味三文鱼，虎虾仁，泡菜，紫洋葱，蟹柳，辛口蛋黄酱，芝麻，辣椒伴，紫菜。想饱肚的话可以点寿司饭及沙律。选择多酱的话，捞完沙律再捞饭都够。不得不说呢碗Poke真系够辣！和风牛肉丼配温泉玉子牛肉丼分别可以选择温泉玉子或溏心蛋，小编推荐口感嫩滑的玉子，蛋白好似啫喱咁，蛋黄重系流心嘅，拌牛肉饭一流！牛油果奶昔&士多啤梨奶昔中杯份量不多，所以一定要叫大杯！采用鲜果即制而成嘅奶昔，饮惯珍珠奶茶的朋友可能会觉得淡口，我就觉得微糖无负担就岩岩好。