新泰東南亞餐廳

营业中

休息中

系正K11门口既新泰, 经常人气满满,, 以为只系近商场所以多人食, 原来环境, 食物服务都好有质素。餐厅门口有架大笃笃, 落楼梯就有泰国人店员等住带位讲sawadeeka, 一下子真系好似飞左去泰国central world咁, 几好feel!哩度既食物味道好有当地既味道, 唔会系港式口味既泰菜! 好似我咁中意食泰菜个种酸辣刺激就岩哂!!!冬荫功落足哂D泰式香料好似香茅, 南姜, 葱头咁, 煲到劲香浓, 酸辣有劲, 仲有开边大虾, 好正~铁板蚝仔炒蛋蛋香突出脆卜卜，蚝仔饱满鲜味, 加埋爽甜既芽菜仔, 沾少少辣酱仲香。香草肉碎炒饭炒得好香好惹味, 都几重辣下, 就系要哩D食泰菜辣既过瘾!!饮完个TOM YUM加食埋个辣肉碎炒饭之后, 个口好需要解辣!! 哩个椰青大菜糕就系恩物, 做甜品一流, 原个椰青超大只, 两个人share岩岩好。大菜糕质感有D似jelly, 好清甜既椰子水味溶系口, 成个口即刻冰凉舒服哂~~价钱亦比我想像中贴地, 人均二百零蚊有哩个质素, 值得回头。