蔦 (已結業)

米芝连有星既拉面感觉好高大上，咁岩见店外未有长龙就去试下。点知店外冇，店内刚好满座，等一轮都要廿分钟茑系先点餐，后上座既格局，拉面选择并不多，所以先点个酱油味玉拉面试下。拉面好食与否，多过50%系因为个汤底。坐喺位置上可以清晰见到师傅点整个拉面，而一大煲汤底就正正系个灵魂，未上菜已经有浓浓既香味飘过，系有期待既之后见师傅分工好细致，一个整面，一个上汤，一个摆碗上叉烧同蛋，流水线咁整出黎。拉面上到台面，第一个感系好细碗面好少份量，唔叫多份替玉根本唔够食，汤头就不负所望系好清甜既，黑松露我觉得加一点点就好，全部落哂个汤到会变左食西餐，完全掩盖汤既鲜味最后我食完个面都不断饮个汤既。叉烧就无话可说的少，而且不特别，薄切无风味，食之无味 弃之可惜，似系葱蒜一类的佐料，用黎提升味道层次，唔系俾你品尝。味玉就整得好好，流心又有酱油味，算系为碗拉面挽回唔少分数。总括黎讲，清新既汤头系令人眼前一亮，不过整体不是顶级质素，米芝连粒星如果系呢个质素都几令人失望。