甘味處鎌倉 (希慎廣場)

营业中

休息中

希慎广场地库楼层，最近做咗新装修，有唔少新餐厅开业。行到攰一攰，来呢间日式餐厅饮杯嘢。呢间餐厅最出名嘅系蕨饼，就点咗杯抹茶蕨饼冻饮。坊间比较少见嘅系将蕨饼放入饮品里面，因为一般来讲只系会加入珍珠，寒天，奶冻等等材料，蕨饼都系第一次见。呢杯饮品抹茶味非常浓郁，每一啖都系厚厚嘅抹茶味。而蕨饼嘅质地非常绵滑十份有惊喜，唔会过甜。本身都10分好奇，究竟蕨饼可唔可以好似珍珠咁样由饮管吸入去呢？答案系可以嘅！因为佢够滑够轻身，所以饮完都唔会话好饱肚食唔到其他嘢。既然蕨饼咁出色，所以都外卖一盒黄豆粉蕨饼返去继续食。黄豆粉蕨饼同样出色，喜欢黄豆粉同埋蕨饼嘅人唔好错过啦！