翁記上海館 (已結業)

话说下午茶时间，喺附近揾吓有咩好食，见呢间店喺OPENRICE都几多好评，价钱又几实惠，一于去帮衬佢啦！未去到前睇完餐牌，见到有口水鸡，终于唔驶走落山先有得食，不如就试佢味道如何。一入餐厅，可能午市过咗，无客。叫了外卖好快就有得拎，欢天喜地返去食，一打开......吓？点解咁白雪雪，仲要唔系个汁白色，系只鸡都白到有啲夸张，拌随住一种唔应该闻到的味道....日式胡麻酱，系咪搞错咗啲咩？食落去就确确实实胡麻酱的味道，口水汁呢？？？佢得几粒疑似口水的料同油，但完全被胡麻酱盖过去。鸡肉嘅激白程度犹如打咗美白针，但无阻我一尝嘅冲动，原来“鸡有鸡味”呢句曾经笑话的评语，真系确实难求。鸡肉味道如白纸一样，毫无鸡味....白饭是软熟好味的，例汤也不错，但豆浆....我唔肯定佢系豆浆，我饮第一啖，吐返出嚟，有一阵粉浆味，闻落一啲豆味都无，再试多一啖，我决定唔饮了。