翁記上海館 (已結業)

今日去朋友屋企玩，所以叫左呢間餐廳嘅外賣～包捨點左 魚香茄子，小籠包，生煎包，擔擔麵，回鍋肉，雞絲粉皮！生煎包係我呢世人食過最小肉～而且啲豬肉勁散！食完會嬲～～ 包同肉嘅比例可以叫做9比1回鍋肉同雞絲粉皮係可以食到接近一粒粒未完全煮溶嘅味精！好似驚死人唔知佢有落味精咁款🤮小籠包一般，較小肉汁，可以唔洗特登叫！食完會失望🥺終極大佬係魚香茄子～～啲油煮完成吋厚！油到食完後幾個鐘都覺得喉嚨唔舒服！直頭改名叫做油浸茄子！可能油唔洗錢所以落多啲！總捨而言，如果想食上海嘢可以唔洗諗佢！食完絕對可以刷新對上海菜嘅三觀，見好多讚都係因為佢夠平，但平都可以有質素！

話說下午茶時間，喺附近搵吓有咩好食，見呢間店喺OPENRICE都幾多好評，價錢又幾實惠，一於去幫襯佢啦！未去到前睇完餐牌，見到有口水雞，終於唔駛走落山先有得食，不如就試佢味道如何。一入餐廳，可能午市過咗，無客。叫了外賣好快就有得拎，歡天喜地返去食，一打開......吓？點解咁白雪雪，仲要唔係個汁白色，係隻雞都白到有啲誇張，拌隨住一種唔應該聞到的味道....日式胡麻醬，係咪搞錯咗啲咩？食落去就確確實實胡麻醬的味道，口水汁呢？？？佢得幾粒疑似口水的料同油，但完全被胡麻醬蓋過去。雞肉嘅激白程度猶如打咗美白針，但無阻我一嚐嘅衝動，原來“雞有雞味”呢句曾經笑話的評語，真係確實難求。雞肉味道如白紙一樣，毫無雞味....白飯是軟熟好味的，例湯也不錯，但豆漿....我唔肯定佢係豆漿，我飲第一啖，吐返出嚟，有一陣粉漿味，聞落一啲豆味都無，再試多一啖，我決定唔飲了。

據知鄰近的蒲崗村道單車公園在網上被評為最「好踩」的場，是日與家人在此公園抖抖氣、消消氣，就順步前往毓華里一帶找些小店。開飯慈雲山榜首要數翁記，恰好太久未吃上海菜，即往。剛好5:25pm，尚可點下午茶餐，小小的上海料理店是多多的選擇，款式之多不輸多分店的上海館。更意外是找回多年未嘗的味道⋯⋯雖是tea，但也大碟，上海粗炒已是一女兒家午餐份量，椰菜多，不過鹹；水晶肴肉湯麵，8件肉，又是鹹度適中，麵爽滑；酸辣湯拼紅油抄手3件，酸辣湯荀絲、火腿、黑木耳絲等料足，吃到抄手時...居然找回我首次吃抄手而從此愛上的味道，肉鮮、汁溢、甜䜴油混幼蒜蓉的汁好吃得拿來蘸麵及肴肉！對上我的味蕾。印象絕好，加單 花雕醉雞、鍋貼4隻，醉雞酒味超濃，鍋貼脆皮。無怪乎是社會低潮下，這店堂食雖就三四枱單獨客，但外賣單自取、food panda接過不停，還因內藏強勁大廚及親切徍坊式待客的伙計坐陣。

黃大仙真係已經食到無咩好食 兩口子唯有行遠啲上嚟慈雲山搵野食 開op search見到呢間上海野多人寫正評夾無伏 一於入嚟試下坐低睇餐牌啲餐價錢唔貴又有晒自己想食嘅野擔擔麵加小籠包酸辣粉加紅油抄手各50元仲跟埋豆漿飲散叫左件酥炸豬扒22蚊埋尾再加個3x蚊豆沙鍋貼做甜品咁先160蚊左右 捧住個肚走簡直係窮人恩物總結：樓面服務好 加分擔擔麵 酸辣粉不過不失小籠包厚粉但湯汁正路紅油抄手唔夠辣豬扒可試豆沙鍋貼就反而下次唔會叫了

慈雲山尋找小店翁記 有啲難找(唔識路)😅食店喺巷入面 門口有賣花賣雜貨檔隔離有飯店 菜檔 肉檔 食飽買埋餸幾方便細店整潔 幾張靚枱 坐滿會較迫 餐牌肥散叫價錢唔算貴 午晚市同價麵餐 客飯比較經濟小籠包+担担麵餐+熱飲 $50 抵食小籠包4大個 爆汁肉甜 (正價$30)担担麵 (正價$35)湯底油 麻味少 辣味嗆喉 拉麵較硬有鹼味奇怪有辛辣麵嘅味道客飯 ~ 回鍋肉 夠鑊氣 濃油赤醬+$3 白飯轉菜飯 飯軟熟 但菜飯冇菜味 +$12元 例湯轉酸辣湯 湯酸辣味嗆喉材料:木耳 芛 旦花 肉碎 肉嚡旦花老

今天去了期待已久的翁記吃拉麵小籠包！店子面積不大，只容納六張圓桌，午飯時段有不少中學生來吃客飯套餐，看樣子小菜份頗多，味道不錯。下次可以吃小菜試試餐牌有點油膩感，摸上去像很久沒有抹乾淨，快速看過餐牌後，我選了「阿翁上海小籠包」(四隻)配「酸辣拉麵」，可選豆漿(冷/熱)，盛惠HK$50。等了約5分鐘，終於看到酸辣拉麵，湯底不太辣，帶點微酸，配料有很多切絲的豆腐、冬菇、黑木耳及竹筍。麵條是自家拉的上海麵，掛湯一流，口感有嚼勁，味道不錯，十分滿足！小籠包一籠有四件，期待已久，看到便不斷嚥口水。選了熱豆漿，味道普通，沒有豆味。小籠包皮不算薄，事實是有一點點厚，應該是人手製作，但餡料不錯，全是滿滿的湯汁跟豬肉。吃了兩個沒有沾醋的小籠包，就這樣吃原味，已覺得鮮味十足，小籠包熱食是最正！咬開小籠包，裏面是滿滿豬肉餡，剩下的兩個小籠包沾浙醋享用，味道更佳！

呢排在家待產，又唔想落街買野食日日都係到諗，今日食咩好呢⋯我就在外賣網搵到呢間鋪頭決定試下佢啦叫左椒鹽骨飯+凍豆漿椒鹽骨飯同我想像中有啲出入開頭我以為係大大舊骨排點知佢係無骨既排骨反而我中意佢係用無骨排骨，啖啖肉有部分排骨係半肥瘦，好好味呀！啲排骨無乜雪味，熱辣辣，份量好多！但略嫌唔夠香口椒鹽味唔夠不過大肚就唔食咁熱氣啦而豆漿味道偏甜，都幾好飲（唔洗加$）總括來說，我會再試下其他食物呢間都係值得再試既餐廳

晚上9點多才去吃晚餐，叫了個套餐，一籠小籠包加一碗擔擔麵，還有一杯豆漿，$50。豆漿沒甚麼特別，而且很小杯。小籠包得挺好，不是一夾就破的那種，而且裡面真的有不少汁，是純肉，皮不算厚，大小算適中吧，味道正正常常。而擔擔麵看得出湯底加了不少東西，因為湯都快起膠了，有花生，芝麻醬，肉碎等等。麵就很普通的上海麵吧，雖然看似加了很多料，但味道我也只是吃到咸味。環境方面其實小店沒甚麼好說，就只有6張桌子，而且每張桌子也不大，桌子與桌子之間的距離好近，非常容易撞到別人。清潔方面一般般~~

好少黎到慈雲山搵食，見到呢間鋪評價唔錯就黎試下。我個人就幾鐘意食上海野，今次呢間明顯係做街坊生意，鋪頭唔算大，入面係用幾張圓鋪，所以空間比較窄，我地2個坐左係角落位，比較迫。野食方面，我地叫左個酸辣麵跟4粒小籠包既餐，再加一個紅燒魚柳飯。先講個麵，正正常常，個酸辣湯用料都好足，個人鐘意再酸少少。小籠包就係熱辣辣，皮較厚，但湯同肉汁就非常多，湯汁好鮮甜。個飯我要左菜飯，佢唔會有好油既感覺，我幾鐘意。魚柳係即炒，佢呢款係用左蒜末，茄汁去做（個汁係紅色），上枱仲係出晒煙，味道方面佢好濃，甜甜地咁，不過用黎送飯都尚可以。跟餐仲有杯豆漿，豆漿豆味好濃，唔係死甜果款，應該係自己煲，個人黎講好滿意😍價錢方面好親民，份量都好大，2個人埋單100蚊都唔洗。

響一條十分平凡嘅巷內，有一間上海菜館。今日一個人胃口不大，眼見菜單上面嘅酸辣粉非常吸引，於是放棄左小籠包，改選京醬前蹄，配酸辣粉（需加12蚊），總共56蚊。現時咁熱嘅天氣，一碗火辣嘅酸辣粉，再配上一碟冷盤嘅京醬前蹄，一凍一熱，一辣一甜嘅味道交錯，簡直刺激味蕾。而且做樓面嘅幾位叔叔好人，阿姨都人好好。一個人嚟食完全無壓力。好舒服！因為下午12:30後呢度附近都非常多學生，所以我趁佢地殺到時已經立刻離場。

上星期去左慈雲山探朋友，難得黎到慈雲山，久聞慈雲山美食如雲，緊係要實試一下地道美食，睇下係真唔係啦。抬頭望向天上月亮，想起鄧麗君的名曲，就好想食上海野，咁岩行到慈華里，見到翁記有門庭若市，就決定晚餐食呢間。一黎到翁記，好彩唔駛等位，撘檯坐著先。唔駛等，加分！睇到餐牌樣樣野都想食，但係眼闊肚窄，食唔到咁多，最後就叫左小籠包+擔擔麵套餐，同埋鹽酥雞扒拼菜飯餐。首先黎既暖豆漿好濃好滑，未飲，過一陣好快就起衣擔擔麵個湯又香又濃！真材實料！又唔會好辣，適合香港人口味。小籠包噴曬汁！真係唔駛多講。老公個鹽酥雞扒都炸得好靚好脆，配埋個醬味道仲增添左層次感！跟餐送湯，碗湯好足料，飲完湯連料 乾 曬。最後仲試埋擂沙湯圓，滿足了呢間小店真係有驚喜，價格適宜，真係會上癮！仲有好多野想食，決定下個月再黎食啦！

小弟今次食翁記，其實就吾係第一次食，只係第一次幫佢打食評。10次有8次都食呢個小籠包餐，因為實在太抵食。擔擔面配小籠包，加埋杯豆漿，外賣都係50蚊。最緊要食又食得好味。小籠包吾好放太耐，即食最好，個皮吾會收乾

得閒既我 當然要食到盡啦 呢排十分有空 所以早午晚都食多左野 比自己放鬆下咁行落街見到呢間野 又見冇試過 所以就入左去hi tea我叫左小龍包同雞絲粉皮呢2樣都比到好大surprise我 價錢貼地之外 野食都唔差 小龍包都好正 好有口感 唔會有太多汁係入邊 雞絲粉皮都唔差 因為價錢都好親民都野食都ok 街坊們都可以去一試

口痕想食下擔擔麵，上去openrice搵下，發現慈雲山有間叫翁記上海館，就工於去試下啦～～鋪頭一望上去，係傳統既上海館咁，圓枱加木椅子，多人時候會搭枱個d，我就中意呢d傳統野，所以就無咩所謂啦！價錢幾抵，一個麵加小籠包4個，$48就咁叫擔擔麵都係$32送一杯豆漿😳😳可以叫辣同唔辣🌶🌶🙅🏻‍♀️我就叫左一碗唔辣擔擔麵湯底幾香，麵質都唔會太林，都ok的，但我本人就中意黃大仙某間四川野既麵質多點。呢d就見人見智啦～另外叫左一碗酸辣湯麵🍜，呢碗酸辣湯酸多過辣，無想像中的酸辣湯咁「杰」，中唔中意就好睇個人口味啦～叫多左碟奶油津白幾好唔錯👍🏽呢間價錢唔貴，其實係一個唔錯既選擇～可以叫外賣添！👍🏽

住係鑽石山嘅小編周不時都會發掘區內美食， 最近發現左間隱世上海菜， 價格好便宜，食物都幾有水準， 值得推介下比各位街坊！😂 家庭式嘅小店，舖面不大， 但都算坐得舒適。 餐牌上選擇都算多， 有菜飯、客飯、小菜、湯麵、點心， 而且大部分都有套餐選擇， 午市同晚市同價， 仲包老火湯、豆漿或熱飲， 完全係超值！😎 值得一提的是佢有早餐、下午茶， 真係好少上海菜館會咁抵！👍🏾 食上海菜一定要食小籠包啦！ 阿翁上湯小籠包（$28/4隻） 小籠包即叫即製，熱辣辣～ 雖然皮不算很薄， 但裏面湯汁超級多，豬肉餡鹹香多汁， 毫不遜色於其他大牌上海館， 最重要係價錢超平！必試！😋 雞絲粉皮（$45） 粉皮厚薄切得剛好，口感軟滑又帶少少煙韌， 花生醬汁鹹甜適中，帶有濃郁的花生香， 粉皮掛汁，啖啖是滋味， 再配上爽脆青瓜和雞絲，正！😎 紅油抄手（$26） 雲吞皮薄餡靚，淋上秘製辣椒油， 麻辣酸甜鹹香平衡到位， 令雲吞吃起來，不覺膩！☺️ 炸銀絲卷（$18） 炸得外脆肉軟， 最開心係煉奶唔洗加錢， 仲要有咁多～😚 酸辣湯（小/$42） 無諗小份可以咁大碗，真係超值！ 材料豐富，有冬菇、木耳、豆腐、