影片
更多
2008-12-01
137 浏览
30-11-2008天气冻得咁突然, 今晚一行 4 人决定去打边炉. 辉哥去到厌, 名城价钱太贵, 又唔想去方荣记, 结果0黎了未试过的呢间试试. 又系叫返最常吃0个 d 0野食及汤底, 食完除0左饱到裤头带都就0黎爆之外, 食物质素仲好过上次 da Bino (见 http://www.openrice.com/restaurant/commentdetail.htm?commentid=1894748), 令人几满意的:- 先讲讲自助混酱配料: 有生蒜粒, 「熟」蒜粒, 葱花, 辣椒及辣椒油, 可自行加入豉油, 而我就觉得落生蒜粒系最好食的, 蒜味香浓辛辣, 食完个口劲臭, 哈哈!- 猪肝并猪腰: 第一次打边炉食猪内脏... 猪腰一样爽口, 无「压」味, 不过亦无乜味道, 要蘸蒜蓉豉油; 猪润好爽口, 味道鲜, 不错.- 鸡肝: 软软的又好滑, 而且好「黄沙润」feel, 几好食. 不过用0黎打边炉系唔太食到鸡肝0既独特甘香味的, 我都系钟意蜜烧多 d.- 桶蚝: 一客得 4 只, 但绝对肥美鲜甜, 十分唔错!- 脆肉鲩鱼腩: 脆到 sok sok 声, 味道就普通
天气冻得咁突然, 今晚一行 4 人决定去打边炉. 辉哥去到厌, 名城价钱太贵, 又唔想去方荣记, 结果0黎了未试过的呢间试试. 又系叫返最常吃0个 d 0野食及汤底, 食完除0左饱到裤头带都就0黎爆之外, 食物质素仲好过上次 da Bino (见 http://www.openrice.com/restaurant/commentdetail.htm?commentid=1894748), 令人几满意的:
- 先讲讲自助混酱配料: 有生蒜粒, 「熟」蒜粒, 葱花, 辣椒及辣椒油, 可自行加入豉油, 而我就觉得落生蒜粒系最好食的, 蒜味香浓辛辣, 食完个口劲臭, 哈哈!
- 猪肝并猪腰: 第一次打边炉食猪内脏... 猪腰一样爽口, 无「压」味, 不过亦无乜味道, 要蘸蒜蓉豉油; 猪润好爽口, 味道鲜, 不错.
- 鸡肝: 软软的又好滑, 而且好「黄沙润」feel, 几好食. 不过用0黎打边炉系唔太食到鸡肝0既独特甘香味的, 我都系钟意蜜烧多 d.
- 桶蚝: 一客得 4 只, 但绝对肥美鲜甜, 十分唔错!
- 脆肉鲩鱼腩: 脆到 sok sok 声, 味道就普通.
- 肥牛 (大碟): 雪花分布均匀, 食落肉味香浓, 但又唔会太肥太漏, 好食!
- 墨丸并牛丸: 阿妈话牛丸 「几咸」, 我就觉得 ok, 肉味几浓又弹牙, 唔使蘸酱汁已够味, 几好食; 墨丸就较失色, 食过一般弹牙, 粉多过乜的, 感觉麻麻.
- 羊肉: 几腍的, 不过羊味近乎零, 扫兴. 腐乳酱就太咸.
- 中虾 (半斤): 十分新鲜, serve 时 d 脚仲识郁的, 只只爽口弹牙, 味道几鲜甜, 其中几只虾头内仲有膏的, 好食!
- 大家食肥牛好似唔多够喉, 追加了一碟例牌肥牛: 一样雪花分布均匀, 不过呢个比第一 round 仲肥 d, 食落真系入口即溶的, 肉味浓郁, 而且成口都系油甘, 好食! 不过始终到第 2 round 都系眼阔肚窄, 食多几块就因为太肥而顶唔顺, 结果要细佬包底.
- 汤底拣了瑶柱冬瓜汤: 好足料, 一路食一路捞, keep 住捞到粒粒瑶柱仔, 食落亦鲜甜的. 未烚0野前汤底味道好清, 烚完肉/海鲜/菜 etc 后就当然唔同晒, 又浓又腻, 就咁饮其实几哽, 不过落粉丝入去吸汤, 再食 d 粉丝, 就劲鲜甜劲正喇!
环境街坊, 卫生 ok, 6:15pm 0黎到0岩0岩好有卡位坐, 唔错0既安排; 招呼亦唔系其他食评讲得咁恐怖, 阿叔阿姐们好好礼貌, 有求必应又快手快脚, 招呼十分好.
埋单每人约 $220, 价钱同辉哥差不多, 各方面质素亦好唔错, 系一个几好的九龙城打边炉选择.
下次试边间好呢?
张贴
